Labarai

An Kammala Aikin Jarirai Masu Tsagaggen Baki A Asibitin Aminu Kano

Published

2 years ago

November 2, 2021

Matashiya

Aƙalla yara 13 ne su ka rabauta da aikin tsagewar baki a asibin Malam Aminu Kano da ke Kano.

Asibitin ƙwararru na Malam Aminu Kano ya fara aiki ga yara da ake haifarsu da larurar tsagewar baki a sassa daban-daban.

Aikin da ake yii kyauta an fara ne bayan shugaban asibitin Farfesa Abdurrahman Abba Sheshe ya tura ma’aikatan sa don samun gogewa a ɓangaren.

Rakiya Adamu guda cikin ma’aikatan da ke ɓangaren masu larurar ta yi jawabi a kan yadda aka fara aikin da kuma matakin da ake a yanzu.

Ta ce sun lalubo mutanen da su ke da jarirai masu larurar da kuma tantance wa kafin tabbatar da cewar an yi musu aikin.

Dakta Bawa Tsafe Anas guda cikin likitocin da su ka yi aikin ya ce sun samu horo na musamman kafin fara gabatar da aikin kuma an yi wa mutanen aikin ne kyauta.

Ya ƙara da cewa wannan dama ce ga dukkanin jama’a don ganin sun amfana da aikin maimakon wasu da su ke amfani da su wajen bara ko kuma su dinga ɓoye su wasu ma su kashe su saboda yanayin halittar da ake haifarsu da shi.

Wasu daga cikin iyayen yaran da aka yiw a aikin sun yi wa Matashiya TV ƙarin haske a dangane da lamarin.

Wannan ne rukuni na biyu da aka sallama a yau bayan mutane bakwai na farko da tuni aka sallame su.

Dakta Bawa Tsafe ya yi kira ga iyaye musamman waɗanda ke da yara da aka haifa da wannan larurar don ganin sun ci moriyar aikin da ake yi kyauta.

Labarai

Zagon Kasan Da Kwankwaso Ya Yi Wa Jam’iyyar NNPP Ya Sa Ba Muyi Nasara A Kotuba- Alhaji Abbas

Published

3 hours ago

September 21, 2023

Amina Muhammad

Babban jigo a jam’iyyar NNPP, Alhaji Abbas Onilewura ya zargi dan takarar shugaban kasa a jam’iyyar, Rabiu Kwankwaso kan rasa nasarar jam’iyyar a jihar Kano.

A jiya Laraba 20 ga watan Satumba kotun ta yanke hukunci inda ta tsige Gwamna Abba Kabir na jam’iyyar a matsayin gwamna.

Kotun kuma ta tabbatar da Nasiru Gawuna na jam’iyyar APC a matsayin wanda ya lashe zaben.

Yayin da ya ke martani kan hukuncin, Abbas ya ce Kwankwaso ya siyar da jam’iyyar lokacin da ya ke tattaunawa da APC kan mukamin minista a Abuja.

Onilewura ya bayyana haka ne a yau Alhamis 21 ga watan Satumba a cikin wata sanarwa da ya fitar.

Ya ce zagon kasa da Kwankwaso ya yi wa jam’iyyar ce ya jawo rashin nasararta a hukuncin kotun da aka yanke a jiya.

Ya kara da cewa Wannan rashin nasara babbar asara ce a jam’iyyar mu kuma hakan ya faru ne saboda son rai na Kwankwaso wanda ya siyar da jam’iyyar.

Labarai

Gwamnatin Delta Ta Amince Da Rage Kaso 25 Na Kudin Jami’a A Jihar

Published

17 hours ago

September 20, 2023

Amina Muhammad

Gwamnatin jihar Delta ta amince da rage kashi 25 na kudin makarantar daliban jami’a a jihar.

Wannan dai wani bangare ne na tallafin da gwamnatin za ta bai wa daliban kuma ya shafi jami’a hudu mallakin jihar.

Hakan na kunshe a wata sanarwa da babban sakataren yada labaran gwamnan Festus Ahon ya sanyawa hannu ranar Laraba.

Sanarwar ta ce gwamnan ya bayar da umarnin bai wa ma’aikatan jihar tallafin naira dubu goma kowanne tsawon watanni uku.

Sannan an amince da kashe naira biliyan 5.522 ga ma’aikata 50,196 a matsayinalawus da aka yi musu karin matsayi.

Sannan gwamnatin za ta kashe naira biliyan goma wajen raba buhun shinkafa 17,000 da sama da buhu masara 60,000 ga marasa karfi.

Labarai

Cibiyar Kare Hakkin Yan Jaridu Ta Yi Allah-Wadai Da Cin Zarafin Yan Jarida A Kano

Published

17 hours ago

September 20, 2023

Amina Muhammad

Cibiyar kare hakkin yan jarida ta duniya ta yi Alla wadai da cin zarafin yan jarida da wasu yan sanda su ka yi a Kano yau Laraba.

Salim Umar na jaridar Daily Trust da Zahradden Lawal na jaridar BBC an ci zarafinsu tare da lalata layan aikinsu yayin da us ke bakin aiki.

Babban jami’in kare hakkin yan jarida na duniya Melody Akunjiyan ne ya bayyana haka a wata sanarwa da ya aikewa manema labarai a yau.

Cibiyar ta ce abin takaici ne ganin yadda yan sandan su ka nuna rashin kwarewa ta hanyar cin zarafin yan jaridan yayin da su ke bakin aiki.

Cibiyar ta bukaci hukumar yan sanda ta kasa da su kula tare da kiyayewa a gaba wajen cin zarafin yan jarida musamman idan aiki ya hadasu da jami’an yan sanda.