Labarai
An Karrama Gwamna Ganduje Da Lambar Yabo Mafi Daraja
Ƙungiyar ma’aikatan ƙananan hukumomi a Najeriya NULGE ta karrama gwamnan Kano Abdullahi Umar Ganduje da lambar yabo mafi girma a matsayin gwamna mafi ƙwazo wajen tafiyar da harkokin ƙananan hukumomi a gwamnatin sa.
A yayin taron wanda ya gudana a ranar Laraba kuma mataimakin gwamnan Kano Dr. Nasiru Yusif Gawuna ya wakilci gwamna.
Shugaban ƙungiyar Kwamared Ambali Akeem Olatunji ya ce sun samar da kwamiti ne kafin tantance gwamna da ya fi ƙwazo tare da zaƙulo guda cikin gwamnonin Najeriya.
Bayan fitar da gwamnoni uku ne kuma su ka gano gwana Ganduje shi ya fi sauran gwamnoni tafiyar da al’amuran ƙananan hukumomi cikin tsari.
Ya ce sun zaɓi gwamnan ne bisa nuna kulawa da aiki tuƙuru domin amfana wa mutanen kanan hukumomi a cikin mulkin sa.
Taron masu ruwa da tsaki a ƙungiyar sun karrama kwamishinan ƙanann hukumomi a jihar Hon. Murtala Sule Garo a matsayin kwamishinan da ke koyi da tsarin mulkin gwamna ganduje don ci gaban ma’aikatan ƙananan hukumomi.
An zaɓi gwamna Ganduje a matsayin gwamnan da ya fi kwazo kasancewar sa tsohon tsohon sakataren ƙaramar hukuma, kuma tsohon shugaban ƙaramar hukuma sannan wanda ya zaƙulo da yawa daga cikin tsofaffin shugabannin ƙanan hukumomi tare da zuba su a cikin harkokin mulkin sa don samun nasarar tafiyar da tsarin gwamnatin yadda ayyuka za su dinga taba mutane na ƙasa.
Hon. Murtala sule Garo ya yi ƙarin haske a dangane da lambar yabo da akka bai wa gwmnan Kano Ganduje.
Wannan ne karo na biyu da ƙungiyar ma’aikatan ƙananan hukumomi su ka karrama gwamnan da ya fi ƙazo a Najeriya.
Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.
Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.
Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.
Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.
Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.
Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.
Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.
Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.
Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.
Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.
Buba ya ce daga cikin wadanda aka kama ciki harda 61 da ake zargi da satar mai.
Acewar Buba ‘yan ta’adda a yankin Arewa ta tsakiya sun fara mika wuya ga sojojin su.
Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.
Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.
Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.
Sai dai kuma a halin yanzu gwamnatin Jihar mai ci karkashin Jam’iyyar NNPP ta dauki matakin dawowa da Jami’ar tsohon sunanta.
Northwest University ya samo asali ne a zamanin mulkun tsohon gwamnan Jihar Dr Rabi’u Musa Kwankwaso ya samar da ita.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari