Connect with us

Labarai

Ƴan Sanda Sun Fatattaki Ƴan Bindiga Da Raunin Harbi A Kaduna

Published

on

Rundunar ƴan sandan jihar Kaduna sun daƙile wani hari da ƴan bindiga su ka yi yunƙurin kai wa a babbar hanyar Kaduna zuwa Abuja.

Dakarun cin ci ƙarfin jami’an tsaron ne lamarin da ya kai ga sun raunata da yawa daga cikin ƴan bindigan.

Mai magana da yawun ƴan sandan jihar ASP Muhammad Jalige ne ya sanar da haka a sanarwar da ya sanya wa hannu ranar Laraba.

Rundunar ta samu bayani a kan yunƙurin tare babbar hanyar da yan bindigan su ka so yi a ranar 9 ga watan Nuwamban da mu ke ciki.

Bayan samun bayanai a kan haka ne dakarun su ka bazama tare da tarwatsa su lamarin da ya sa ƴan bindigan su ka gudu cikin daji ɗauke da raunin harbi a jikinsu.

Rundunar ta buƙaci al’umma da su kai rahoton duk wani da su ka gai ɗauke da raunin harbi a jikin sa don gudanar da bincike tare da ɗaukar matakin gaggawa.

An ɗauki tsawon lokaci ba a samu labarin tare babbar hanyar mota daga Kaduna zuwa Abuja ba, bayan da matafiya su ka sauya salon tafiyar su zuwa jirgin ƙasa.

Click to comment

Leave a Reply

Labarai

Gwamnatina Ta Yi Duk Abinda Ya Dace Ga Ƴan Najeriya – Buhari

Published

on

Shugaban Najeriya Muhammadu Buhari ya sake tabbatar da cewar gwamnatinsa ta yi duk abinda ya dace wajen ciyar da Najeriya gaba.

Muhammadu Buhari ya bayyana haka a cikin jawabinsa na zagayowar ranar samun ƴancin kai a Najeriya.

Shugaban ya ce gwamnatinsa ta yi ƙoƙari matuƙa wajen bunƙasa tattalin arziƙi da kuma tantance bayanai a kan asusun ajiyar banki ta ƴan ƙasar.

Haka kuma ya ce gwamnatinsa ta mayar da hankalin wajen bunƙasa aikin gona wanda hakan ya zamtowar ƙasar hanyar nasara duka a ƙarƙashin mulkinsa.

Shugaba Buhari ya ce ya na jin matuƙar ciwo a bisa yajin aikin da ƙungiyar Malamn jami’a su ka shafe fiye da watanni bakwai su na yi.

A ɓangaren yajin aikin, ya ce gwamnatinsa ta yi tsare-tsare da aka shafe fiye da shekaru 11 ba a yi su a a gwamnatocin baya.

Shugaban ya sake tabbatar da aniyarsa na ganin an gudanar da sahihin zaɓe a shekarar 2023.

Wannan ne karo na ƙarshe da shugaban ya yi jawabin tunawa da zagayowar ranar samun ƴancin kai a matsayinsa na shugaban ƙasa.

Continue Reading

Labarai

Ganduje Ya Buƙaci Matasa Su Rungumi Zaman Lafiya

Published

on

Gwamnan jihar Kano Abdullahi Umar Ganduje ya buƙaci al’ummar jihar su zamto jakadun zaman lafiya.

Gwamna Ganduje ya bayyana buƙatar hakan a cikin jawabinsa na zagayowar ranar samun ƴancin kai da ya gabatar a filin wasa na Sani Abacha da ke unguwar Ƙofar Mata a Kano.

Yayin da Najeriya ke cika shekaru 62 da samun yancin kai, gwamna Ganduje buƙaci jama’a su kauceea dukkan maganganu da ayyukan da za su iya rusa zaman lafiya a jihar Kano.

Gwamnan ya godewa mutanen Kano a bisa haɗin kai da su ka bayar tare da tabbatar musu da cewar a shekara mai zuwa wani gwamnan ne zai kasance a Kano ba shi ba.

Sannan ya buƙaci ƴan Najeriya da su ci gaba da haƙuri a kan kasancewar bambancin ɗabi’u addini da al’ada wanda jihar Kano da Najeriya ke da su.

A taron da aka gudanar, sarkin Kano Alhaji aminu Ado Bayero ya jagoranci addu’a ta musamman a kan zaman lafiya tare da buƙatar matasa da su zamto jakadun zaman lafiya a duk wajen da su ka sami kansu.

Continue Reading

Labarai

Sarkin Kano Ya Buƙaci Matasa Su Kaucewa Fitina Lokacin Yaƙin Neman Zaɓe

Published

on

An Ja hankalin Matasa da yan Siyasa su gujewa dukkannin abunda zai tada hankalin al’uma a lokutan yakin neman zabe: Sarkin Kano.

Mai Martaba Sarkin Kano Alhaji Aminu Ado Bayero yaja Hankalin al’umma da yan siyasa su rika yin kalamai masu inganci a cikin al’umma

Sarkin ya bayyana haka ne lokacin da ya jagoranci gudanar da addu’oi na musamman domin samun zaman lafiya ga kasa baki daya wadda aka gudanar a babban masallacin juma’a dake cikin birnin Kano.

Alhaji Aminu Ado Bayero yace ya shirya wannan addu’a ne domin yiwa kasa addu’a da kuma zabuka da suke tunkararmu a shekara 2023.

Mai martaba sarkin kazalika yayi kira ga Matasa su gujewa dukkan abinda zai kawo fitina a lokutan yakin neman zabe.

Sarkin ya buƙaci al’umma su zama masu Ladabi da biyayya da tausasa harshinansu.

Kuma sarkin yayi fatan dukkan yan Siyasa zasu karbi shawarwari da Malamai suke bayarwa na suyi yakin neman zabe cikin nutsuwa ba tareda wani tashin hankali ba.

Daga nan kuma Mai Martaba Sarkin na Kano Alhaji Aminu Ado Bayero yace shirya adduoin yazo dai dai lokacin da ake bikin cikar Najeriya shekara 62 da samun yancin kai.

Continue Reading

Talla

Trending

%d bloggers like this: