Labarai
Najeriya Za Ta Kawo Ƙarshen Korona Nan Da Ƙarshen 2022
Gwamnatin tarayyar Najeriya ta shirya kawo karshen annobar Korona nan da ƙarshen shekarar 2022.
Manajan tafiyar da al’amuran kwamitin a kan yaƙi da cutar Dakta Mukhtar Muhammad ne ya bayyana haka a yayin wani taro da aka yi a Abuja.
Ya ce gwamnatin ƙarsar na shirin kawo ƙarshen annobar cutar daga yanzu zuwa watan Disamba na shekarar 2022.
Taron da aka yi don tinkarar babban taro na ƙasa da za a yi a watan Disamban da mu ke ciki domin gano nasara da kuma hanyar kawo karshen annobar.
Tsarin kawo karshen cutar zai kalli ɓangaren ci gaban harkokin lafiya da kuma bunƙasa tattalin arziƙin ƙasa.
Ya ƙara da cewa kawo karshen annobar Korona kafin ƙarshen zangon mulkin da ake ciki na daga cikin manufofin gwamnatin shugaba Buhari.
Gwamnatocin duniya na kallon annobar Korona a matsayin abin da ya kawo koma baya a kan tattalin arziƙin ƙasa a fadin duniya baki ɗaya tare da kawo tsaikon al’amura tun bayan bullar cutar.
Jam’iyyar APC a Najeriya ta ce shugaban ƙasa Bola Ahmed Tinubu ba zai jingine kudirin da ya dauka na gyaran kasa tare da komawa baya ba.
A cewar jam’iyyar matakin da shugaban ke ɗauka hanya ce don kawo sauyi da cigaba ga ƙasar.
Sannan jam’iyyar ta musanta zargin yin magudi a yayin zaben da aka yi a Jihar Edo.
A sakon da jam’iyyar APC ta fitar a yau wnda ke zama martani ga jam’iyyar PDP, daraktan yada labarai na jam’iyyar Alhaji Bala Ibrahim ya ce jam’iyyar ba ta da nufin sauka daga turbar demokaradiyya.
Ya ce tsari da manufofin da jam’iyyar ta saka a gaba asara ce kuma ci gaba ne ga ƙasar.
Haka kuma tsarin da su ke kai ba zai tauye demokaradiyya ba.
Babbar kotu a jihar Ekiti ta yanke hukuncin kan wasu mutane uku da ake samu da aikata fashi da makami.
Kotun a jiya Laraba ta yankewa mutanen hukuncin kisa ta hanyar rataya.
Wadanda aka samu da laifin sun hada da Alexander Solomon , da Desmond Peter sai Eric Tile.
Kotun ta sallami cikon na hudun da aka zarga Promisr Shir bayan da aka gani ba shi da hannu a ciki
Wadanda aka yankewa hukuncin an samesu ne da laifukan fashi da makami, mallakar makaami ba bisa kaida ba da kuma kisan kai.
Wanda da aka yankewa hukuncin sun aikata laifin ne a ranar 7 ga watan Yulin shekarar 2022 a tsakanin Illumoba-Aisegba da ke kan titin Ekiti zuwa Aisepba Ekiti.
A wajen ne kuma su ka yi fashin naura mai kwakwalwa ta tafi da gisanka, da kudi naira 540,000 wayoyin hannu da sauransu.
Saannan su ka yi kisan kai
Bayan gabatarwa da kotun hujjoji ne kuma kotun ta gamsu tare da yanke musu hukuncin kisa ta hanyar rataya
Majalisa dokoki a Najeriya na shirin yi wa kundin tsarin mulkin kasar kwaskwarima bayan da kotun koli ta bai wa kananan hukumomi yancin gashin kansu.
Majalisar ta ce za ta yi gyaran ne don sake jaddada hukuncin kotun koli da ta bai wa kananan hukumomin dama.
Kudirin ya fito daga mataimakin shugaban majalisar Barau I Jibril kumaa ya samu goyon bayan Sanata Abdul Ningi fa Sanata Tahir Monguno.
Daga cikin hukuncin da kotun ta yi ta umarci a tura kason kananan hukumomin kai tsaye zuwa asusunsun, maimakon hadaka da asusun jiha da ake yi a baya.
Shugaban majalisar Godswill Akpabio ya jaddada cewar, majalisar na goyon bayan hukuncin da kotun kolin ta yi, ya ce za su yi aiki a kundin tsarin mulkin domin ganin an shigar da dokar a ciki.
A ranar 11 ga watan Agusta ne dai kotun koli a Najeriya ta yanke hukunci damgane da bai waa kananan hukumomi yancin gashin kansu.
Wanda kotun ta ce daga lokacin gwamnatin tarayyaa ta dinga aike da kudadensu kai tsaye ga asusunsu.
-
Labarai8 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada5 years agoFahimta ta a kan matsalar aure a ƙasar Hausa
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari5 years agoSinadarin gyaran gashi – Adon Gari