Labarai

Za A Ɗaure Masu Lalata Kadarorin Gwamnati A Bukukuwa Kirsimeti Shekaru 21 Babu Zaɓin Tara – NSDC

Published

2 years ago

December 23, 2021

Mujallar Matashiya

Daga Amina Tahir Muhammad

Hukumar tsaron fararen hula ta Najeriya (NSCDC) reshen babban birnin tarayya Abuja ta aike da jami’anta 3000 domin sa idanu a kan bukukuwan kirsimeti da sabuwar shekara.

Kwamandan hukumar a babban birnin tarayya Abuja, Dakta Peter Maigari, shi ya sanar da haka a yau Alhamis.

Ya bayyana cewa an yi hakan ne da nufin samar da tsaro da ake bukata ga muhimman kadarorin gwamnati da mazauna babban birnin tarayya Abuja da kewaye a wannan lokacin na Kirsimeti da na sabuwar shekara.

Ya ci gaba da cewa wannan bai rasa nasaba da umarnin da babban Kwamandan Rundunar NSCDC ta kasa Dakta Ahmed Audi wanda ya bayar da umarnin tabbatar da tsaro da kuma hada kai da sauran hukumomin tsaro.

Sanarwar hakan na kunshe cikin wata sanarwar da aka raba wa manema labarai mai dauke da sa hannun Comfort Okomanyi, kakakin rundunar ta Abuja.

Ya kuma tabbatar da cewa rundunar ba za ta yi kasa a gwiwa ba a kokarinta na ganin an kare kadarorin gwamnati daga barna a fadin babban birnin tarayya Abuja.

Kwamandan Maigari ya bayyana cewa zaman gidan yari na shekaru 21 ba tare da zabin tara ba yana jiran duk wanda aka kama da laifin lalata kadarorin gwamnati.

Ya karfafa wa mazauna babban birnin tarayya Abuja da su wanzar da zaman lafiya da bin doka oda a lokacin bukukuwan kirsimeti da sabuwar shekara.

Labarai

Tsadar Karatu Na Iya Sa Rabin Ɗaliban Jami’a Su Gudu – ASUU

Published

33 mins ago

September 25, 2023

Matashiya

Ƙungiyar malaman jami’a a Najeriya ta ce kashi 50% na ɗaliban da ke karatu na iya ajiyewa saboda tsadar karatu da ake ciki a ƙasar.

Shugaban ƙungiyar Frafesa Emmanuel Osodoke ne ya bayyana haka ya ce nan da shekaru biyu zuwa uku masu zuwa ɗaliban da ke karatu a jami’o’in ƙasar kashi 50% daga ciki na iya ajiye karatun nasu.

A wata hira da aka yi da shugaban a gidan talabiji na Channels ranar Lahadi da daddare, ya gargaɗi ɓangaren ilimi na ƙasar da su farga a kan abinda ka iya faruwa.

Sai dai ya alaƙanta ƙara kuɗin da jami’o’i su ka yi da mafi ƙarancin albashin da ake biya na naira 30,000 a ƙasar.

Sannan ya ce akwai hatsari mai yawan gaske idan aka samu ƙarin matasa masu yawa da su ka bar makaranta.

Idan ba a manta ba, a makon da ya gabata gwamnatin Najeriya ta ce ta ƙarawa malaman jami’a albashi da kashi 30 ga masu matsayin farfesa.

Labarai

Gobara Ta Kama A Kotun Ƙoli Ta Najeriya A Abuja

Published

13 hours ago

September 25, 2023

Matashiya

Rahotanni daga baban birnin tarayyar Najeriya Abuja na tabbatar da cewar kotun ƙoli ta kama da wuta.

Ofishin alƙalai uku aka ruwaito sun ƙone bayan tashin gobarar.

Godan jaridar Arise ya ruwaito cewar, wutar ta kama wai ɓangare na cikin kotun.

Sai dai ba a san sanadin tashin gobarar ba.

Wannan dai itace gobara da aka yi a kusa-kusa wadda ta shafi ofishin gwamnati.

Ko a watan Mayun shekarar da mu ke ciki, gobara ta kama a rundunar sojin samar Najeriya.

Yayin da a shekarar da ta gabata ta 2023 ma’aikatar kuɗi ta tarayya wani ɓangare ya kama da wuta.

Labarai

Amuruka Ta Gargaɗi Ƴan Ƙasar Mazauna Najeriya Kan Ziyartar Wasu Jihohi Har Da Kano

Published

2 days ago

September 23, 2023

Amina Muhammad

Ƙasar Amurka ta gargaɗi ƴan ƙasar mazauna Najeriya da su kiyaye wajen ziyartar wasu jihohi da ka iya faɗawa cikin hatsari.

Sanarwar na zuwa ne bayan gudanar da wani bincike da su ka gano an samu ƙaruwar aikata manyan laifuka a jihohin.

Jihohin sun haɗa da Borno, Adamawa, Yobe, Kogi, Bauchi, Kaduna, Kano, Gombe, Bayelsa, Rivers, Enugu da jihar Bayelsa.

Sauran jihohin su ne Imo, SokOto, Zamfara, Katsina, da jihar Abia.

Ƙasar ta gargaɗi mutanenta da su kiyaye wajen ziyartar waɗannan jihohi domin su na iya faɗawa cikin tarkon masu garkuwa da mutane ko wasu miyagun laifuka.