Rahotanni daga jihar Zamfara na nuni da cewar wasu da ake zargi ƴan bindiga ne sun kashe mutane shida a jihar ciki har da basarake.
Ƴan bindiga sun afka garin Gada da ke ƙaramar hukumar Maru ta jihar.
An harbe mutane shida a ranar Laraba ciki har da Alhaji Umaru Bawan Allah wanda dagaci ce.
A yayin da aka kai harin, an sace mata da ƙananan yara waɗanda ba a tantance yawansu ba.
Sai dai jami’an tsaro ba su ce komai a dangane da lamarin ba.
Jihar Zamfara na fama da hare-haren ƴan bindiga tsawon lokaci.