Labarai
Za Mu Mayar Da Kannywood Masana’antar Shirya Fina-Finai Ta Zamani – AA Zaura
Ɗan takarar gwamnan Kano Abdussaalam Abdulkarin wamda aka fi sani da AA Zaura ya ce a shirye ya ke domin taimaka wa masana’antar shirya fina-finan Hausa ta Kannywood domin ganin ta fita daga halin da ta tsinci kanta a ciki ta yadda za ta yi gogayya da sauran masana’antun shirya fina-finai na duniya.
AA Zaura ya bayyana haka ne lokacin da ya ke jawabi bayan kammala taron da kungiyar taurarin fina-finan Hausa ta Kannywood Celebrities Forum for AA Zaura ta shirya harma ta karrama shi.
Abdussalam Abdulkarim AA Zaura yace, zai yi duk mai yuwa domin kyautata sana’ar fina-finan Hausa tare da ɗora ta a gwadabe na zamani wanda dubban al’umma za su ci gaba da amfana.
Har ila yau ya ce, Masana’antar shirya fina-finan Hausa na da matuƙar muhimmanci a cikin al’umma, domin su na ba da gudunmawa wajen ci gaban al’umma ta fuskoki daban-daban, a don haka akwai buƙatar tallafa wa ɓangaren yadda ya kamata.
Masana’antar shirya fina-finan Kannywood dai ta ce a shirye ta ke ta haɗa kai da duk wanda ya shirya taimaka mata ta hanyar bunƙasa hanyoyin samun kuɗaɗen shigarta da kuma kayayyakin aiki na zamani domin yin gogayya da takwarorinsu na ƙasashen duniya.
Shugaban kungiyar taurarin fina finan Hausa ta Kannywood Celebrities Forum TY Shaban ya shaida wa manema labarai cewa a halin yanzu masana’antar shirya fina-finan Hausa na cikin wani mawuyacin hali da ta ke buƙatar jajirtacce mutum wanda zai tallafeta ta hanyar ƙara horas da masu shirya fina-finai da masu ba da umarni da kuma su kansu masu fitowa a fina-finan da ilimin sana’ar ta yadda za ta ci gaba da tafiya daidai da al’adu.
“Duniyar shirya fina-finai ta ci gaba, sai dai a ɓangaren Kannywood akwai buƙatar fito da sabbin hanyoyi da dabaru domin bunƙasa sana’ar” inji TY Shaba.
Aminu Shareef Ahlan, na daga cikin wanda suka halarci taron, ya ce AA Zaura mutum ne mai nagarta wanda ya sha banban da sauran mutane idan a ka yi la’akari da yadda ya ke taimakon al’umma.
Jarumi a masana’antar Yakubu Muhammad ya ce masana’antar Kannywood na buƙatar samar da hanyoyin samun kuɗaɗen shiga ta hanyar gina manyan gidajen kallo na zamani wato ‘Cinemas’ tare da ƙara horas da ƴan Kannywood ilimin sana’ar shirya fina-finai a zamanance kuma ya na da yaƙinin cewa AA Zaura na da ƙwarin gwiwa da kishin tallafa musu.
Jaruman fina-finan Hausa da dama ne su ka halarci taron ganawar da kuma ba da lambar yabon, wanda suka hadar da Alhaji Kabiru Maikaba, Ibrahim Mandawari, Yakubu Muhammad, Ladidi Fagge, Kamal S Alkali, Salisu S. Fulani, Mansura Isah, Baballe Hayatu, Samira Ahmad, Aminu Shareef Ahlan, Tijjani Faraga da masu ba da umarni, da sauran masu ruwa da tsaki a kungiyar.
An yi taron a Kano ranar Asabar.
Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.
Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.
Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.
Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.
Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.
Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.
Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.
Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.
Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.
Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.
Buba ya ce daga cikin wadanda aka kama ciki harda 61 da ake zargi da satar mai.
Acewar Buba ‘yan ta’adda a yankin Arewa ta tsakiya sun fara mika wuya ga sojojin su.
Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.
Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.
Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.
Sai dai kuma a halin yanzu gwamnatin Jihar mai ci karkashin Jam’iyyar NNPP ta dauki matakin dawowa da Jami’ar tsohon sunanta.
Northwest University ya samo asali ne a zamanin mulkun tsohon gwamnan Jihar Dr Rabi’u Musa Kwankwaso ya samar da ita.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari