An Samu Sabbin Mutane Sama Da Miliyan Ɗaya Da Su Ka Yi Rijistar Katin Zaɓe A Najeriya

Published

3 years ago

January 25, 2022

Mujallar Matashiya

Daga Amina Tahir Muhammad

Hukumar zabe mai zaman kanta ta ƙasa ta ce tayi wa sabbin mutane 5,173,335 rijistar katin zaɓe a karo na uku na ci gaba da rijistar kuri’a a fadin kasar.

INEC ta bayyana haka ne a wani sabon rahotonta na mako-mako kan rijistar katin zaɓe.

Hukumar ta bayyana haka ne a Abuja a ranar Litinin, ta kuma bayyana cewa masu rajista 2,665,421 sun kammala rajista ta yanar gizo da kuma ɗaukar hotunan su.

Bisa ga kididdigar da aka sabunta ta ƙunshi maza 1,344,813, da mata 1,320,608.

Alkaluman sun nuna cewa mutane 24,723 daga cikin alkaluman mutane ne masu fama da nakasa yayin da 1,854,371 matasa ne tsakanin shekaru 18 zuwa 34.

An kuma lura cewa daga cikin mutane 2,665,421 da suka kammala rajistar su, 1,092,742 sun yi rajista ta yanar gizo, yayin da 1,572,679 suka yi rajistar ta ƙafa da ƙafa.

Mai Maganin Gargajiya Ya Harbi Kansa Bayan Yin Gajin Maganin Bindiga

Published

2 weeks ago

November 30, 2024

Khadija Ahmad Tahir

Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.

Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.

Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.

Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.

Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.

Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.

Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.

Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.

Jami’an Soji Sun Hallaka ‘Yan Ta’adda Sama Da 100 A Sassan Najeriya A Mako Guda

Published

2 weeks ago

November 30, 2024

Khadija Ahmad Tahir

Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.

Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.

Buba ya ce daga cikin wadanda aka kama ciki harda 61 da ake zargi da satar mai.

Acewar Buba ‘yan ta’adda a yankin Arewa ta tsakiya sun fara mika wuya ga sojojin su.

Labarai

Gwamnatin Kano Ta Mayarwa Da Jami’ar Yusuf Maitama Sule Asalin Sunanta

Published

2 weeks ago

November 30, 2024

Khadija Ahmad Tahir

Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.

Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.

Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.