Connect with us

Labarai

Buhari Ya Umarci Sojoji Da Sauran Jami’an Tsaro Su Haɗa Kai Don Fatattakar Ƴan Ta’adda

Published

on

Daga Amina Tahir Muhammad

Shugaban kasa Muhammadu Buhari  ya umarci sojoji da sauran jami’an tsaro da su tunkari duk wani mutum ko kungiyar da ke kawo cikas ga kokarin samar da zaman lafiya da tsaro da kwanciyar hankali a kasar.

A cewar mai ba shugaban kasa shawara na musamman kan harkokin yada labarai Femi Adesina, ya ce Buhari ya bayyana haka ne a lokacin da ya kai ziyara fadar mai alfarma Sarkin Musulmi Muhammad Sa’ad Abubakar III a yau Alhamis.

Buhari Ya ce “Na ba su cikakken umarni da kada su bar duk wani dan fashi ko ‘yan ta’adda da ke barazana ga rayuka da dukiyoyin ‘yan Najeriya da ba su ji ba ba su gani ba.”

A cewar Adesina, Buhari ya jajanta wa gwamnati da al’ummar Sakkwato kan hasarar rayuka da dukiyoyi da aka yi a baya-bayan nan sakamakon munanan hare-haren da ‘yan bindiga da wasu gungun miyagu ke kaiwa.

Ya ce shugaban ya tabbatar wa jama’a cewa zai ci gaba da jajircewa wajen ganin an kawo karshen munanan ayyukan ta’addanci a jihar da sauran sassan kasar nan.

 

Click to comment

Leave a Reply

Labarai

A Karo Na Shida – Babbar Tashar Samar Da Lantarkin Najeriya Ta Sake Lalacewa

Published

on

Rahotanni da ke nuni a wannan lokaci an sake samun katsewar hasken lantarki a Najeriya bayan da rumbun samar da wutar na ƙasa ya sake lalacewa.

Matsalar ta auku ne da misalin ƙarfe 2:42 na dare wayewar yau Litinin.

Lalacewar ya haifar da ƙarancin wuta na faɗuwar megawatt 64.70.

Yyain da yake tabbatarwa da jaridar Daily Trust batun, shugaban DisCo a Jos Dakta Adakole Ejihah ya ce lamarin ya faru, kuma ana fatan shawo kan matsalar ba da jimawa ba.

Wannan shi ne karo na shida da babban rumbun samar da wutar ya samu matsala a shekarar 2024 da mu ke ciki.

Continue Reading

Labarai

Sama Da Mutane 85 cikin 100 Na Amfana Da Tallafin Wutar Lantarki

Published

on

Ministan yaɗa labarai da wayar da kan jama’a, Mohammed Idris, ya yi magana kan janye tallafin wutar lantarki da gwamnatin tarayya ta yi.

 

Ministan ya ce sama da Naira tiriliyan 1 da za a samu sakamakon janye tallafin wutar lantarki, za a yi amfani da su wajen inganta samar wutar lantarki da ayyukan more rayuwa a ƙasar nan.

 

Jaridar The Nation ta ce Idris ya bayyana haka ne a Kaduna a jiya lokacin da ake tattaunawa da shi a shirin ‘Hannu da Yawa’ na Rediyo Najeriya da ke Kaduna.

 

Ministan ya ce wasu ƴan tsiraru masu hannu da shuni da kamfanoni ne kawai ke kwashe garaɓasar tallafin wutar lantarkin.

 

A cewarsa kaso 40% na tallafin wutar lantarkin yana amfanar kaso 15% da ke samun wutar lantarki ta sa’o’i 20 a kowace rana.

 

Idris ya jaddada cewa har yanzu kaso 85% cikin 100% na al’ummar da suke ƙarƙashin sauran rukunonin wutar lantarkin na samun tallafi.

Continue Reading

Labarai

Gwamnan Kano Ya Nuna Bacin Rai Kan Sakin Yan Daba A Kano

Published

on

Gwamna Abba Kabir na jihar Kano ya nuna bacin ransa kan yadda aka saki ‘yan daba da ke kulle a jihar.

Gwamnan ya ce wannan wani mataki ne na kawo tsaiko a kokarin da gwamnati ke yi na dakile matsalar dabanci a jihar.

Abba Kabir ya bayyana haka ne yayin tarbar Sarkin Kano, Alhaji Aminu Ado Bayero a gidan gwamnati.

Ya bayyana yawan ‘yan dabar da aka kama domin yi musu hukunci amma abin takaici an sako su.

Har ila yau, gwamnan ya zargi jam’iyyun adawa da kokarin kubutar da ‘yan dabar domin biyan buƙatar kansu ta siyasa.

Continue Reading

Talla

Trending

%d bloggers like this: