Connect with us

Labarai

Ƴan Boko Haram Sun Hallaka Mayaƙan ISWAP 45

Published

on

Mutane 45 daga cikin mayaƙan ISWAP ne su ka rasa rayukansu yayin da mayaƙan Boko Haram su ka farmakesu a a raewa maso gabashini yaka da ƙasar Chadi.

Harin da mayaƙan Boko Haram su ka kai musu ya faru ne a ranar 28 ga watan Maris ɗin da mu ke ciki bisa jagorancin Muhammed Ari.

Wanda ya jagoranci kai harin kwamdandan Boko Haram ne a yankin Yauma Wango da Ngaama a ƙaramar hukumar Abadam ta jihar Borno.

Wani mai sharhi a kan al’amuran staro a yankin ya tabbatarwa da jaridar Leadership hakan wanda ya ce ya samu wani bidiyo na tsawon mintuna huɗu wanda aka hango mayakan ISWAP na binne ƴan uwansu.

Sannan akwai wani bidiyo da aka hango mayakan Boko Haram sun jera mayaƙan ISWAP bayan sun rufe fuskarsu da jan ƙyalle sannan su ka harbe su.

An fara takun saƙa tsakanin mayaƙan Boko Haram da na ISWAP bayan da manufa da ra’ayi su ka bambanta wanda hakan ya sa su ka yi silar mutuwar tsohon shugaban Boko Haram Abubakar Sheƙau.

Click to comment

Leave a Reply

Labarai

Gwamnatin Tarayya Ta Gargadi ASUU Kan Watsi Da Umarnin Kotu

Published

on

Gwamnatin Tarayya ta ja kunnen Kungiyar Malaman Jami’a akan ƙin bin dokar Kotun Ma’aikatun Kasa ta Najeriya na komawa bakin aikinta daga dogon yajin aikin da ta ke yi.

Chris Ngige, Ministan Kwadago da Ayyuka, ya ce Kungiyar tana faɗawa ‘yan Najeriya zancen da babu sui akan batun cikashe fom din daukaka karar akan umarnin kotu.

Ministan ya yi kira ga kungiyar akan ta mutunta umarnin kotun, ta kuma koma kan aikinta yayin da su ke kokarin ganin sun sasanta akan sauran matsalolin.

Ministan ya yi wannan batun ne ta wata takarda da aka fitar a ranar Lahadi wadda Olajide Oshundun, mataimakin darektan yaɗa labaran ministan ya sanyawa hannu.

A cewar sa kungiyar ba ta fadin asalin gaskiyar yadda aka yi da ita ga mutanen ƙasa da kuma mambobinta, dangane da batun daukaka kara bisa umarnin da kotu ta yi mata ranar 2 ga watan Satumba.

Sai dai ASUU ta bukaci a ba ta damar daukaka kara. Sannan ta hada wannan bukatar tata da kuma takardar daukaka karar da ta ke da niyar yi da zarar an bata wannan damar.

Continue Reading

Labarai

Jami’an NDLEA Sun Kama Mai Yin Safarar Miyagun Kwayoyi A Abuja

Published

on

Hukumar yaki da sha da fataucin miyagun kwayoyi ta kasa NDLEA, ta cafke Misis Pamela Odin, ‘yar shekaru 32, bisa yunkurin safarar alluran Rohypnol mai nauyin kilogiram 2.150 ta filin jirgin saman Nnamdi Azikiwe da ke Abuja.

Daraktan yaɗa labarai na hukumar NDLEA Femi Babafemi ne ya bayyana hakan a wata sanarwa da ya fitar a jiya Lahadi a Abuja.

Babafemi ya ce an kama matar ne a ranar 23 ga watan Satumba, yayin da take yunkurin shiga jirgin sama kamfanin jirgin saman Turkiyya dauke da maganin a boye a cikin barkono da kuma wasu cushe a cikin kayan abinci.

Ya ce wacce ake zargin ‘yar asalin kauyen Afiesere ne a karamar hukumar Ughelli ta Arewa a Delta, ta yi ikirarin cewa tana gudanar da wani gidan cin abinci a birnin Istanbul na kasar Turkiyya.

Babafemi ya kara da cewa ta yi ikirarin cewa ta zo Nijeriya ne domin ganin ƴan uwanta da kuma siyan kayan abinci don kasuwancinta na gidan abinci ƙasar.

Continue Reading

Labarai

Wani Matashi Ya Hallaka Ƙaninsa Lokacin Da Ya Ke Gwada Maganin Bindiga A Kansa

Published

on

Wani matashi ya harbe kaninsa mai shekaru 12 yayin gwada maganin bindiga a Karamar Hukumar Kaima ta Jihar Kwara.

Wadandan lamarin ya shafa dai ’ya’yan wani mafarauci ne da suka mallaki wani sabon maganin bindiga kuma suka yi yunkurin tabbatar da ingancinsa.

A cewar manema labarai lamarin ya faru ne a ranar Lahadi, inda wanda ya yi aika-aikar tuni ya arce ya bazama cikin daji bayan mai aukuwar ta auku.

Da yake zantawa da manema labarai a yau Litinin, jami’in hulda da al’umma na rundunar ’yan sandan jihar, Okasanmi Ajayi, ya ce Kwamishina ’Yan sanda Paul Odama ya bayar da umarnin a fara bincike a kan lamarin.

Okasanmi ya ce bayan sun daura maganin bindigar a jikinsu, sai babban cikinsu ya yi amfani da bindigar mahaifinsu ta farauta ya harbi kaninsa.

Sai dai an yi rashin sa’a maganin bai yi aiki ba, lamarin da ya sanya nan take kanin da aka harba ya mutu.

Okasanmi ya shawarci iyaye da subrika zuba idanu kan duk wani motsi na ’ya’yansu domin gudun faruwar mummunan lamari makamancin wannan.

Continue Reading

Talla

Trending

%d bloggers like this: