Labarai

CBN Ya Ƙaryata Sauya Kuɗin Naira Na Takarda

Published

3 years ago

May 21, 2022

Babban Bankin Najeriya (CBN) ya fito ya ƙaryata rahotanni da ke cewa yana shirin sauya takardar kuɗin Naira na takarda da kuɗin dijital, eNaira, a kan kari.

A wata tattaunawa ta wayar tarho da wakilin manema labarai a Abuja ranar Asabar ya bayyana cewa:

Darakta, Sashen Sadarwa na Kamfanin na Babban Bankin, Mista Osita Nwanisobi, ya ƙaryata cewa an yi maganar ne a yayin wani taron masu ruwa da tsaki kan karɓar eNaira a Asaba, jihar Delta.

Ya kira hakan da rashin fahimta don haka ya yi kira ga jama’a da su yi watsi da irin wannan gaba dayansa.

A cewar Mista Nwanisobi, sigar dijital ta Naira ana nufin ta dace da takardun kuɗin da ake da su don haka, za ta riƙa yawo a lokaci guda a matsayin hanyar musayar kuɗi da kuma adana kima.

Dangane da fa’idar karɓar eNaira, mai magana da yawun ya yi ishara da cewa takardar doka ta dijital baya ga aminci da fasali cikin sauri, hakanan zai tabbatar da samun damar samun hidimomin hada-hadar kuɗi ta wadanda ba su da banki da marasa banki ta yadda za su ƙara haɗa ku6di.

Mista Nwanisobi, ya buƙaci jama’a da masu kasuwanci da su rungumi kuɗin dijital, eNaira saboda yana ba da damammaki.

Labarai

Mai Maganin Gargajiya Ya Harbi Kansa Bayan Yin Gajin Maganin Bindiga

Published

2 weeks ago

November 30, 2024

Khadija Ahmad Tahir

Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.

Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.

Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.

Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.

Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.

Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.

Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.

Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.

Labarai

Jami’an Soji Sun Hallaka ‘Yan Ta’adda Sama Da 100 A Sassan Najeriya A Mako Guda

Published

2 weeks ago

November 30, 2024

Khadija Ahmad Tahir

Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.

Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.

Buba ya ce daga cikin wadanda aka kama ciki harda 61 da ake zargi da satar mai.

Acewar Buba ‘yan ta’adda a yankin Arewa ta tsakiya sun fara mika wuya ga sojojin su.

Labarai

Gwamnatin Kano Ta Mayarwa Da Jami’ar Yusuf Maitama Sule Asalin Sunanta

Published

2 weeks ago

November 30, 2024

Khadija Ahmad Tahir

Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.

Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.

Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.