Labarai
Za A Daina Amfani Da Itace Da Kalanzir A Najeriya Inji Buhari
Shugaban kasa Muhammad Buhari ya bayyana cewa nan da shekarar 2030 mai zuwa za a daina ammafani da Ice da Kalanzir a Najeriya.
Shugaba Buhari ya bayyana hakan ne a jiya juma’a a lokacin da ya ke tattaunawa da shugaban kasar Amurka Joe Biden ta bidiyo.
Shugaban ya ce a shekarar ta 2030 din bayan daina amfani da Ice da Kananzir din gwamnatin a wannan lokacin za ta maye gurbin su da gas domin dakile yaduwar gurbatacciyar iska a Najeriya.
Buhari ya kara da cewa daga lokacin da Najeriya ta daina amfani da Itace da kananzir kasar za ta samu raguwar sauyin yanayi da kuma gurbatacciyar Iska da kashi 22 cikin 100 a shekarar ta 2030 mai zuwa.
Muhammad Buhari ya bayyana cewa gwamnatin tarayyar Najeriya ta na sane da irin illar da amfani da sinadari mai fitar da hayaki ke haifar babbar illa a Najeriya,wanda kuma hakan ya sanya wasu kasashen duniya ke yunkurin daina amfani da sinadaran.
Shugaban ya ce a lokacin za a haramta kona bola a gonaki domin hana yaduwar gurbatacciyar iska sannan kuma za a dawo da sufurin motocin Bas na haya a hanyoyin Najeriya.
Shugaba Muhammad Buhari ya kuma shaidawa shugaban Amurca cewa Najeriya ta yi wasu sababbin gyare-gyare a dokar da ta gabatar a wani taron duniya wanda za a kawo karshen sauyin yanayi duba ga zamani.
Idan ba a manta ba a shekarar 2012 gwamnatin da masu hannu da shuni a bangaren da ya shafi man fetur a wancen lokacin ta fara yunkurin haramta amfani da Ice da kuma Kalanzir domin yin amfani da gas wajen yin girki da sauran amfani.
Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.
Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.
Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.
Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.
Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.
Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.
Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.
Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.
Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.
Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.
Buba ya ce daga cikin wadanda aka kama ciki harda 61 da ake zargi da satar mai.
Acewar Buba ‘yan ta’adda a yankin Arewa ta tsakiya sun fara mika wuya ga sojojin su.
Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.
Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.
Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.
Sai dai kuma a halin yanzu gwamnatin Jihar mai ci karkashin Jam’iyyar NNPP ta dauki matakin dawowa da Jami’ar tsohon sunanta.
Northwest University ya samo asali ne a zamanin mulkun tsohon gwamnan Jihar Dr Rabi’u Musa Kwankwaso ya samar da ita.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari