Gwamnatin Tarayya Ta Ayyana Litinin Da Talata Domin Hutun Babbar Sallah

Published

2 years ago

July 7, 2022

Matashiya

Gwamnatin tarayyar Najeriya ta ayyana ranar Litinin da Talata a matsayin ranar hutu ga ma’ikatan ƙasar.

Ministan harkokin cikin gida Ra’uf Aregbesola ne ya sanar da hakan yau Alhamis yayin da ake shirin fara bikin babbar sallah a ƙasar.

A wata sanarwa da ma’aikatar harkokin cikin gida ta fitar, wadda sakataren ma’aikatar Dakta Bashir Balogore ya snayawa hannu.

Gwamnatin tarayyar ta taya dukkanin al’ummar musulmin ƙasar murnar babbar sallah ta shekarar 1443.

Sannan gwamnatin ta roƙi musulmi a ƙasar da su yi amfani da lokacin wajen ganin an gudanar da addu o i na musamman a bisa halin da ƙasar ke ciki.

Haka kuma gwamnatin ta buƙaci al’ummar musulmi da su sanar da jami’an tsaro duk wani motsi da ba su gamsu da shi ba domin taimakwa ɓanraen tsaro a yayin da ake tsaka da bukukuwan sallah.

Sannan gwamnatin tarayya ta ce ta na matuƙar ƙoƙari wjen ganin ta samar da tsaro a ƙasar tare da inganta harkar ilimi da kuma horas da matasa aikin yi.

Mai Maganin Gargajiya Ya Harbi Kansa Bayan Yin Gajin Maganin Bindiga

Published

2 weeks ago

November 30, 2024

Khadija Ahmad Tahir

Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.

Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.

Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.

Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.

Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.

Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.

Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.

Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.

Jami’an Soji Sun Hallaka ‘Yan Ta’adda Sama Da 100 A Sassan Najeriya A Mako Guda

Published

2 weeks ago

November 30, 2024

Khadija Ahmad Tahir

Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.

Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.

Buba ya ce daga cikin wadanda aka kama ciki harda 61 da ake zargi da satar mai.

Acewar Buba ‘yan ta’adda a yankin Arewa ta tsakiya sun fara mika wuya ga sojojin su.

Labarai

Gwamnatin Kano Ta Mayarwa Da Jami’ar Yusuf Maitama Sule Asalin Sunanta

Published

2 weeks ago

November 30, 2024

Khadija Ahmad Tahir

Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.

Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.

Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.