Dan China Ya Musanta Zargin Da Ake Masa Na Kisan Ummita A Kano

Published

2 years ago

October 27, 2022

A yau Alhamis ne aka sake gurfarnar da dan asalin kasar China mai suna Frank Geng mai shekaru 47, a gaban babbar kotun jiha bisa zargin kisan budurwarsa ‘yar Najeriya.

A na zargin ɗan ƙasar China da hallaka Ummukulsum Sani wadda akafi sani da ummita.

Ana tuhumar Frank mazaunin anguwar railway, da laifin kisan kai.

A ranar 4 ga watan oktoba ne kotun ta umarci gwamnatin Kano da ta samawa Frank tafinta.

Da aka sake gurfanar da shi a yau, lauyan gwamnati Musa Abdullahi Lawan ya gabatar da Guo cumru daga ofishin jakadancin China domin ya yi wa wanda ake kara tafinta.

An shaidawa kotun cewa wanda ake karar ya aikata laifin ne a ranar 16 ga watan Satumba, a anguwar Jambulo dake yankin karamar hukumar Gwale a Kano.

Mai gabatar da karar ya karanto zargi cewa a ranar ne da misalin karfe tara na dare ɗan ƙasar China ya yi amfani da wuƙa wajen hallaka budurwasa.

Sai dai wanda ake zargin ya musanta zargin da ake masa.

Kasancewar laifin da ake zargin dan Chinan ya sa6a da sashe 221 (B) na dokar laifuka ta kano.

Alkalin kotun Sunusi Ado Ma’aji ya bayar da umarnin ajiye wanda ake kara a gidan gyaran hali har zuwa ranar 16 ga watan Nuwamba mai kamawa.

Mai Maganin Gargajiya Ya Harbi Kansa Bayan Yin Gajin Maganin Bindiga

Published

5 days ago

November 30, 2024

Khadija Ahmad Tahir

Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.

Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.

Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.

Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.

Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.

Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.

Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.

Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.

Jami’an Soji Sun Hallaka ‘Yan Ta’adda Sama Da 100 A Sassan Najeriya A Mako Guda

Published

5 days ago

November 30, 2024

Khadija Ahmad Tahir

Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.

Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.

Buba ya ce daga cikin wadanda aka kama ciki harda 61 da ake zargi da satar mai.

Acewar Buba ‘yan ta’adda a yankin Arewa ta tsakiya sun fara mika wuya ga sojojin su.

Labarai

Gwamnatin Kano Ta Mayarwa Da Jami’ar Yusuf Maitama Sule Asalin Sunanta

Published

5 days ago

November 30, 2024

Khadija Ahmad Tahir

Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.

Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.

Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.