Labarai
Hare-Hare Da Ake Kaiwa Ofisoshin INEC Ba Zaisa A Fasa Gudanar Da Zabe Ba-INEC
Hukumar Zaɓe ta Ƙasa (INEC), ta tabbatar da cewa hare-haren kona ofisoshin ta a wasu sassan ƙasar nan ba zai hana gudanar da zaɓen shekarar 2023 ba.
Shugaban hukumar INEC Farfesa Mahmood Yakubu ne ya tabbatar da haka a lokacin da tawagar Jami’an duba Shirye-shiryen Zaɓe na Ƙungiyar Haɗin Kan Afrika, AU su ka kai masa ziyara a ranar Litinin, a Abuja.
Da ya ke bayyana musu abubuwan da su ka faru cikin makonni uku da su ka gabata, Yakubu ya ce INEC za ta sake samar da dukkan kayan da aka lalata a hare-hare uku da aka kai wa ofisoshin su na jihohin Ogun, Osun da Ebonyi.
Makonni uku da su ka gabata an kai wa ofisoshin INEC hari, aka banka masu wuta a wasu yankunan ƙasar nan, kuma an lalata wasu kayayyakin zaɓen shekarar 2023 da INEC ta fara rarrabawa a ƙasar.
Sai dai hakan ba zai hana hukumar gudanar da zaɓen 2023 ba.
Sannan kuma duk da wannan lamarin abin damuwa ne matuƙa, wani abin farin cikin shi ne INEC za ta maye dukkan kayan zaɓen da aka lalata.
Wasu masu tada zaune tsaye ne dai suke bin dare su banka wa ofishin Hukumar Zaɓe INEC wuta, kakakin Yaɗa Labaran INEC, Festus Okoye ne ya tabbatar da faruwar lamuran, cikin wata sanarwar da ya saba fitarwa.
Okoye ya ce daya daga cikin ofishin da aka bi dare aka banka wa wutar ya na garin Iboko, cikin Ƙaramar Hukumar Izzi, ya ce maharan sun banka wa ofishin wuta wajen ƙarfe 10 na dare, inda aka yi asarar kayayyakin zaɓe masu yawan gaske, kakakin ya tabbatar da cewa an ƙone katinan rajistar masu zaɓe, amma ba’a tantance adadin ko guda nawa ne su ka salwanta ba.
Jam’iyyar PDP ta Kasa ta bayyana cewa abun takaici ne yadda gwamnatin tarayya ta Kama ‘yan Kasar da suka fito zanga-zangar tsadar rayuwa da a gudanar a fadin Kasar a watan Augustan da ya gabata.
Sakataren yada labaran jam’iyyar Debo Olagunagba ya bayyana hakan a yau Litinin a yayin taron manema labarai a hedkwatar hukumar da ke Abuja.
Jam’iyyar ta ce yunwa da tsadar rayuwa ne suka dauki nauyin zanga zanga a Kasar ba wasu mutane ba.
Sakataren ya ce ya kamata gwamnatin Kasar ta mayar da hankali wajen magance yunwa, ba kama masu zanga-zanga ba.
PDP ta kara da cewa tsare-tsaren da shugaba Tinubu ya bijiro da su ne ya haifar da tsadar rayuwa da ake ci gaba da fuskanta a Kasar.
Jam’iyyar ta ce abin kunya da takaici ne yadda gwamnatin Tinubu ta sanya aka kama masu zanga-zangar, inda ta ce yunwa ya kama ta kama ba talakawa ba.
Jam’iyyar ta kara da cewa ya kama jam’iyyar APC ta hankalta da zanga-zangar da ‘yan Kasar suka yi wajen magance matsalolin Kasar.
Jam’iyyar na wannan kalamin ne bayan kama Shugaban Ƙungiyar Ƙwadago na Kasa NLC Joe Ajearo da jami’an DSS ta yi a yau Litinin.
‘Yan Kasar sun gudanar da zanga-zangar lumana ne a ranar 1 zuwa 10 ga watan Augusta, inda daga baya kuma ta rikide ta koma tarzoma.
Wasu da ake zargi ‘yan bindiga ne sun yi garkuwa da wasu ma’aikatan jinya guda biyu mata, tare da marasa lafiya da dama, a lokacin da suka kai hari wani Asbiti da ke Kauyen Kuyallo a cikin karamar hukumar Birnin Gwari ta Jihar Kaduna.
Wani shugaban kungiyar ‘yan sa-kai a yankin da lamarin ya faru Musa Alhassan, ya bayyana cewa tun da fari bayan zuwan maharan sun fara nufar wata makarantar sakandiren gwamnati ne a yau Litinin da misalin karfe 9 safe da nufin yin garkuwa da daliban makarantar.
Acewar Musa bayan zuwan ‘yan bindigar makarantar suka tarar da babu kowa hakan ya sanya suka nufi Asibitin suka sace mutanen.
Musa ya ce ya zuwa yanzu ba a san adadi marasa lafiyar maharan suka sace ba a Asibitin.
Hukumar tsaron farin kaya ta DSS ta kai sumame ofishin kungiyar SERAP mai rajin kare tattalin arzikin Najeriya da ke Abuja.
Jami’an na DSS sun kai sumame ofishin ne sa’o’i kadan bayan da DSS din ta kama shugaban kungiyar kwadago ta Kasa NLC Jeo Ajaoro a yau Litinin a filin jiragen sama na birnin a lokacin da ya ke kan hanyarsa ta zuwa Kasar Birtaniya don halartar taron ‘yan kasuwa wanda za a gudanar a yau.
Sai dai bayan kama Ajerao, a wata wallafa da SERAP ta yi a shafin ta X, ta bayyana cewa, jami’an DSS sun kai’wa ofishinta na Abuja sumame, inda suka bayyana cewa su na neman daraktan kungiyar ne.
SERAP ta ce mamaye ofishinta da DSS suka yi sun yi ne ba bisa ka’ida ba, inda ta bukaci shugaba Tinubu da ya gargadi jam’an na DSS da su daina yin barazana ga mutane da kuma yin barazana ga ‘yancin ‘yan Kasar.
Kai sumame ofishin na SERAP na zuwa ne kwana guda da kungiyar ta bai’wa shugaban Tinubu wa’adin sa’o’i 48 da ya umarci kamfanin mai na Kasa NNPCL da ya janye karin farashin man da ya yi a Kasar.
-
Labarai7 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada5 years agoFahimta ta a kan matsalar aure a ƙasar Hausa
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari5 years agoSinadarin gyaran gashi – Adon Gari