Labarai
Za a Fara Haska Ƙayataccen Shirin Lulu Da Andalu A Farkon Sabuwar Shekara
Fitaccen jarumi kuma mai shirya fina finan Hausa TY Shaban, ya sanar da ranar litinin 2/1/2023 a matsayin ranar fara haska sabon film dinsa mai dogon Zango maisuna Lulu Da Andalu.
Shirin Lulu da Andalu shiri ne da zai nuna rayuwa cikin wani salo da siga wadda ba’a saba gani ba, inda za’ayi da rayuwa tsakanin bil’adama da junnu.
Labari ne da ya faru a gaske, shekaru sama da 600 da suka gabata, anyi wani shahararran mai tarin dukiya maisuna MANSA MUSA dan asalin kasar MALI wanda tarihi ya tabbatar da ya taba zama mutumin da yafi kowa tarin dukiya a fadin duniya.
Ya shimfida mulkinsa a matsayin MANSA na MALI tsakanin shekarar 1312 zuwa shekara ta 1337.
Shekaru daruruwa da suka shude an binne wani kaso na dukiyar Mansa Musa a wani guri da babu wanda ya sani sai wasu hatsabiban Aljanu guda biyu, LULU DA ANDALU
TY Shaba ya cigaba da cewa Kwatsam a wannan karni sai aka samu wani bawan Allah wanda burinsa shine ya gano inda dukiyar MANSA MUSA take domin ya mallaketa.
TY Shaba ya kara da cewa Shirin Lulu da Andalu ya ban bata da sauran fina finai masu dogon zango da ake nunawa a yanzu, domin yanayin labarin da ban ne, inda ake daukar shirin na daban ne, Jaruman shirin na daban ne, haka kuma kayan aikin na musamman ne.
Mashiryin film din Lulu Da Andalu TY Shaban ya bayyana cewar sun shirya shirin ne bayan bibiyar tarihi, domin nunawa jama’a yadda alaƙar mutane da aljanu take tun a shekarun baya.
Film din Lulu Da Andalu ya samu aikin bayar da umarni daga Kamilu Ɗan Hausa, Wanda shima yace wannan aikin ya ƙunshi sabbin hanyoyi na zamani wanda za su ƙayatar da masu kallo.
Za’a fara nuna shirin daga ranar litinin 2 ga watan janairun shekarar 2023 a DSTV Afrika Magic Hausa da karfe 7:30 na dare, ya yinda zaku iya kallon wannan film da karfe 8 na dare a manhajar YouTube maisuna TY Shaba TV.
Daga wanann lokaci za’a cigaba da kallon film din a duk kanin ranakun litinin idan Allah ya amince.
Muna dakon sharhi da tambayiyinku da zarar kun fara kallon shirin Lulu Da Andalu daga kamfanin BlueSound and Multimedia
Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.
Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.
Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.
Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.
Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.
Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.
Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.
Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.
Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.
Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.
Buba ya ce daga cikin wadanda aka kama ciki harda 61 da ake zargi da satar mai.
Acewar Buba ‘yan ta’adda a yankin Arewa ta tsakiya sun fara mika wuya ga sojojin su.
Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.
Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.
Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.
Sai dai kuma a halin yanzu gwamnatin Jihar mai ci karkashin Jam’iyyar NNPP ta dauki matakin dawowa da Jami’ar tsohon sunanta.
Northwest University ya samo asali ne a zamanin mulkun tsohon gwamnan Jihar Dr Rabi’u Musa Kwankwaso ya samar da ita.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari