Labarai

Ƙasa Da Awanni 48 da Haihuwar Wasu Tagwaye, Wata Mata Ta Yi Yunƙurin Sace Guda A Asibitin Nassarawa Na Kano

Published

2 years ago

January 29, 2023

Mahaifin ƴan biyun mai suna Muhamamad Adam ya wallafa a shafinsa na facebook cewar sakacin ma’aikatan asibitin ya sa su ka hana kowa shiga su sai matar kuma ya ke zargin sun barta ta gudu bayan ganota.

A ranar Juma’a aka haifi tagwayen kuma mahaifinsu wanda Ɗan’jarida ne ya wallafa cewar ya rabauta da samunsu.

Sai dai a yau Lahadi ya wallafa cewar wata mata da ake zagi mai satar jarirai ce ta kutsa kai ɗakin masu jinya yayin da aka hana kowa shiga tare da yunƙurin sace guda daga ciki.

Mahaifin tagwayen ya yi zargin sakacin ma’aikatan asibtin, da ya janyo har aka bar matar ta shiga ba tare da an bar ko ma’aikatan jinya sun shiga ba.

Muhammad Adam wanda aka fi sani da Yaya Muhammad, ya ce ko masu kula da shige da ficen asibitin ba su yi nasarar kama matar ba har sai da ta tsira duk da yunƙurin da ta yi na satar guda cikin ƴaƴansa.

Hukumomin asibitin ba su ce komai a dangane da lamarin ba, amma ko a kwanakin baya sai da aka zargi sakacin wani likita a wani asibiti a Kano da sanadin ruɓewar hanun wani jariri.

Labarai

Mai Maganin Gargajiya Ya Harbi Kansa Bayan Yin Gajin Maganin Bindiga

Published

5 days ago

November 30, 2024

Khadija Ahmad Tahir

Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.

Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.

Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.

Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.

Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.

Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.

Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.

Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.

Labarai

Jami’an Soji Sun Hallaka ‘Yan Ta’adda Sama Da 100 A Sassan Najeriya A Mako Guda

Published

5 days ago

November 30, 2024

Khadija Ahmad Tahir

Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.

Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.

Buba ya ce daga cikin wadanda aka kama ciki harda 61 da ake zargi da satar mai.

Acewar Buba ‘yan ta’adda a yankin Arewa ta tsakiya sun fara mika wuya ga sojojin su.

Labarai

Gwamnatin Kano Ta Mayarwa Da Jami’ar Yusuf Maitama Sule Asalin Sunanta

Published

5 days ago

November 30, 2024

Khadija Ahmad Tahir

Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.

Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.

Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.