Kun San Ma’anar Kalmar Chiza Dani? Waƙar Da Ke Tashe A Kwanakin Nan?

Published

2 years ago

February 2, 2023

Matashiya

Chiza Dani waƙa ce da ke tashe a kafofin sadarwar zamani wadda matasa maza da mata ke sauraro a kwanakin nan.

Mawaƙi Abdul D. One ya bayyana mana ma’anar kalmar a wata tattaunawa da Mujallar Matashiya.

Ya ce kalmar ya arota ne daga harshen Buzanci yayin da ya yi wata tafiya zuwa jamhuriyar Nijar.

Abdul D. One ya ce tun bayan da ya ga kalmar rubuce a wayar wani abokinsa a Agadez daga wannna lokacin ya dinga bi har sai da ya gano ma’anar waƙar.

A tattaunawar ya tabbatarwa da Mujallar Matashiya cewar bayan gano ma’anar kalmar ashe ta na nufin ‘Daɗina’ wato kalmar masoyi ko masoyiya a harshen Buzanci.

Ya ce kalmar ta yi daidai da sunan soyayya da ake faɗawa masoya mace ko namiji.

A halin yanzu ana shirin ɗaukar bidiyon waƙar da za a fitar da shi ba da daɗewa ba.

Sai dai ya ce babu fim da ake yi a kan waƙar bai sani ba ko nan gaba.

Mawaƙi Abdul D. One wanda waƙoƙinsa ba su fi hamsin ba a cewarsa.

Sai da ya ce a waƙoƙinsa ba wadda ya fi so kamar waƙar Mahaifiya.

Sai wasu kamar Kar Ki Manta Da Ni, Chiza Dani, Ina Sonki da sauransu.

Lulu Da Andalu – Sabon Shiri Domin Juya Akalar Kannywood

Published

2 years ago

July 4, 2022

Matashiya

Yayin da ake ci gaba da samar da hanyoyin nishadantar da masu kallo, kamfanin Blue Sound Multimedia ya haska tallan wasan wkaikwayon da ya samar mai suna Lulu Da Andalu.

Sabon shirin wanda ya tara ƙwararrun jarumai maza da mata, da ma sabbin jarumai da ma’aika masu fasaha domin ganin an ƙirƙiri abubuwa masu ƙayatarwa a cikinsa.

Wanda ya shirya shirin TY Shaba ya bayyana cewar sun shirya shirin ne baya bibiyar tarihi tare da nunw jama’a yadda mutane ke alaƙa da aljanu tun a baya.

Yayin da aka shirya taron nuna tallan shirin wanda aka gayyaci manyan ƴan jarida da ƙararru a ɓangaren, wasu daga cikin waɗand su ka kalla sun bayyana shirin a matsayin wani mataki d zai sauya alƙibilar masana’antar fina-finan Hausa.

Wasu daga cikin waɗanda su ka taka rawa a cikin shirin sun bayyana wa masu kallo rawar da su ka taka a ciki tare da tabbatar da cewar shirin zai kayatar fiye da yadda ake tunani.

Sabon shirin ya samu aikin bayar da umarni daga Kamilu Ɗn Hausa y ace wannan aikin ya ƙunshi sabbin hnyoyi na zamani wanda za su ƙayatar da masu kallo a ckin sa.

Jarumai da masu bayar da umarni da ma masu shirya fina-finai ne su ka halarci ɗakin nuna fina finai na Pltinium a ranar Juma’a domin kallon tallan shirin.

Mu shaƙata

Tsawon shekaru 13 waƙoƙi 100 na rera da bakina – D One

Published

4 years ago

October 13, 2020

Matashiya

Mawaƙi Abdul D One ya bayyana cewar ya kwashe shekaru goma sha uku yana waƙa, tun lokacin da ya samu asalin sunan D One a makarantar sakadire.

Yayin zantarwarmu da shi ya ce ya fara rubutun waƙa a shakarar 2007, sannan ya fara shiga ɗakin rera waƙa a shekarar 2009.

Ya rera waƙoƙi guda 100 da bakinsa.

Sai dai mawaƙin ya bayyana cewar ba zai iya tuna waƙar da ya fara rerawa da bakinsa ba.

Cikin wata tattaunawar da mujallar Matashiya ta yi da shararren mawaƙin nan da ludayinsa ke kan dawo a masana antar fina finan Hausa wato Abdul D One ya ce waƙar Mahaifiya ya fi ƙauna a rayuwarsa.

Mawaƙin ya bayyana dalilinsa na cewar al’umma sun karɓi waƙar suna ƙaunarta kuma hakane ya sa yake matuƙar son waƙar saboda abinda mutane suke so shi yake ƙauna.

Zantawar tamu bata tsaya iya nan ba har sai da mawaƙin ya bayyana cewar ya yi waƙoƙi da sun haura guda ɗari 100 amma a cikinsu guda biyu rak ya fito a cikin faifan bidiyo.

A karo na biyu Abdul D One ya fito a waƙarsa ta Shalele, bayan waƙarsa ta farko da ya fito cikin faifan bidiyo wato Kece Tawa.

Waƙa ta gaba kuwa itace Zainabu Abu, wadda suka rerata tare da ubangidansa wato Umar M Shareef.

Ana sa ran za su fito tare a cikin faifan bidiyon waƙar wadda itace ta uku wanda D One ke fitowa a faifan bidiyo.

Domin masoyansa su kalla hakan ya sa mawaƙin ke wallafa waƙoƙinsa a shafinsa na youtube Abdul D One.

Hotuna

Bayan shekaru 10 yana waƙa, a karon farko ya saki bidiyon waƙar sa ya fito a ciki

Published

4 years ago

August 6, 2020

Matashiya

Abdul D One mawaƙin da ake damawa da shi a masana antar fina finai ta Kannywood ya saƙi waƙa ta farko da ya fito a faifan bidoyo mai auna KECE TAWA.

Mawaƙin da ya bayyanawa Mujallar Matashiya cewar, a tsawon shekaru 10 da yayi yana waƙa bai taɓa fita a faifan bidiyo ba sai a yanzu.

Asalin sunansa Abdulƙadir Tajudden wanda aka haifeshi a garin Dikke da ke ƙaramar hukumar Funtua a jihar Katsina.

An haifeshi a ranar 26 ga watan satumba na shekarar 1994.

Ya zauna a ƙarƙashin kamfanin Shareef Studio da ke ƙarƙashin jagoranci da kulawar mawaƙi Umar M Shareef.

Duk da kasancewar mawaƙin yana garin Kaduna don cigaba da gudanar da sana arsa ta waƙa.

Waƙoƙinsa sun yi shura kuma ana sakasu a fina finai da dama, wasu kuma kan bashi aikin waƙa don su fito a cikin bidiyon.

Duk da kasancewarsa mawaƙi mai ƙaramin shekaru idan aka kwatanta da sauran manyan mawaƙa da ludayinsu ke kan dawo, Abdul D. One ya shahara wanda ya samu lambobin yabo da dama a kan waƙoƙinsa.

Ya kan yi waƙoƙin da suka danganci yanayi musamman waƙarsa ta kwananan wanda ya yi a kan rashin tsaro a Najeriya.

Ko da Mujallar Matashiya ta tambayeshi ya yaji bayan da ya saki wannan bidiyon waƙarsa ta farko a shafinsa na Youtube?

Abdul D One ya ce ya ji daɗi ga yadda aikin ya kasance kuma ya samu yabo da yawa daga mutane daban daban a kan waƙar.