Connect with us

Labarai

Abubuwan Da Su Ka Faru Yayin Zanga-Zanga A Kano Da Abuja

Published

on

Najeriya

A yau Laraba kungiyar kwadago ta gudanar da yajin aiki da zanga-zanga a fadin Najeriya.

 

Kungiyar ta gudanar da yajin aikin ne sakamakon matsin tattalin arziki da tsadar rayuwa da ake fuskanta.

 

An yi wa yajin aikin take da A Bar Talata Ya Shaki Numfashi.

 

Tun a baya kungiyar ta shirya tafiya yajin aikin bayan ƙarin kudin man fetur da aka samu a kasar.

 

Shugaban Najeriya Bola Ahmed Tinubu ne ya ayyana dakatar da cigaba da bayar da tallafin man fetur a Najeriya jim kaɗan bayna rantsar da shi a matsayin sanon shigaban ƙasar Najeriya.

 

Jihohi 36 sun fito tare da yin tattaki na zanga-zangar lumana, da nufin jan hankalin gwamnati donmin duba halin da ake ciki.

 

Kungiyar ta ce akwai bukatar a yi duba n atsanaki a kna lamarin, ganin yadda ma’aikata a Najeriya ke batar da kashi 70 na albashinsu a hanyar sufuri.

 

 

 

Kano

Kungiyar kwadago a jihar Kano ta gudanar da yajin aiki tare da zanga-zangar lumana a yau Laraba.

 

Jihar Kano ta bi sahun jihohin Najeriya wajen yin tattakin da kungiyar kwadago ta kasa ta shiya yi domin jan hankalin gwamnati a kan matsin rayuwa da ake ciki.

 

Shugaban ƙungiyar na jihar Kwamared Kabiru Inuwa ya yi karin haske wanda ya nuna gamsuwa a kan matakin da su ka ɗauka.

 

Ya ce ƙungiyar ta gamsu da matakin da aka ɗauka kuma haakan yayi tasiri donin yaa sanya gwamnatin ta waiwayi halin da aake ciki sabanin baya.

 

Ya kara da cewa kungiyar na da mataki daban-daban kuma wannan shi ne na farko sannan za su sake zama domin duba matakin da ya dace su dauka a gaba.

 

 

Abuja

Masu zanga-zanga a birnin tarayya Abuja sun ɓalle kofar shiga majalisar dokoki ta ƙasa tare da mamaye haaraba.

 

Hakan ya faru yayin da su ka fita don yin zanga-zangar lumana hadi da yajin aiki sakamakon tsadar man fetur da kungiyar ta ce ba ta gamsu da shi ba.

 

Mutane da dama sun yi cincirindo a harabar majalisar tare da kira ga gwamnati na ganin an duba halin da ake ciki wajen samar da saukin rayuwa a Najeriya.

 

Bayan gwamnati ta yi yunkurin raba naira biliyan 500 ga marasa galihu a kasar don rage radadin cire tallafin man fetur, kungiyar ta yi watsi da batun.

 

Idan ba a manta ba shugaban Najeriya Bola Ahmed Tinubu ya yi wa yan Najeriya jawabi a kan haalin da ake ciki har ma yaa yabawa kamfanoni masu zaman kansu da su ke tallafawa kasar wajen daukar mutane aikin yi.

 

Sannan ya ce za a yi amfani da kudaden wajen bayar da tallafi, samar da motocin sufuri da kuma amfani da kudin don farfado da bangaren ilimi ta yadda kowanne dan ƙasa zai smau ilimi ba tare da samun targaro a kan kudi ba.

 

Jawabin shugaban ya janyo cece ku ce a bakin al’umma wanda wasu ke ganin hakan ba zai wadatar ga yan kasar ba.

Click to comment

Leave a Reply

Labarai

Gwamnatin Tarayya Ta Ayya Ranakun Hutun Babbar Sallah

Published

on

Gwamnatin tarayya a Najeriya ta ayyana ranakun Litinin da Talata a matsayin ranakun hutun babbar sallah.

 

Hakan ma ƙunshe ne a wata sanarwa da ma’aikatar harkokin cikin gida ta fitar a yau Juma’a.

 

Sanarwar wadda Dakta Aishetu Ndayako sakatariyar din din din a ma’aikatar ta sanayawa hannu.

 

Ministan harkokin cikin gida Tunji Ojo ya buƙaci al’ummar musulmi da su kasance masu sadaukarwa tare da koyi da fiyayyen halitta Annabi Muhammad Sallallahu alaihi Wasallam.

 

Ministan ya ce shugaba Bola Ahmed Tinubu na aiki tukuru wajen ganin ya tsare rayuwa da lafiya da dukiyoyin al’ummar ƙasar.

 

Sannan ya buƙaci al’umma da su bayar da haɗin kai wajen ci gaban ƙasar ta yadda za a samu nasara a abubuwan da ya sa a gaba.

 

Rahotanni sun nuna cewar shugaban zai yi bikin salalrsa a jihar Legas.

Continue Reading

Labarai

Tawagar Shugaban Maniyyatan Jihar Kano Ta Isa Saudiyya

Published

on

Shugaban tawagar Alhazan Jihar Kano ya isa kasa mai tsarki domin jagoranta aikin Hajjin bana a Kasar Saudiyya.

 

Bisa managartan shirye-shirye da aiki tukuru kimanin maniyyata 3,110 ne daga jihar Kano ake sa ran zasu gabatar da aikin hajji a kasar Saudiyya.

 

Mataimakin Gwamnan Jihar Kano Kwamared Aminu Abdulsalam Gwarzo wanda shine Amirul Hajj na Kano tare da wasu daga cikin mukarraban Gwamnati da suka hada da shugaban hukumar Alhazan Jihar Alhaji Lamin Rabi’u Danbaffa da Shugaban majalisar dokokin Jihar Kano Hon Jibril Ismail Falgore da sauransu.

 

Ibrahim Garba wanda shine wanda yake jagorantar yan jaridu kuma mai magana da yawun mataimaki Gwamna jihar kano ya ce gwamnatin jihar za ta tabbatar da maniyyatan sun samu wayewa domin gabatar da hajji karbabbiya.

 

Ibrahim ya kara da cewa tawagar ta samu isa kasa mai tsarki ne ta kamfanin jirgin sama na Max Air daga filin jirgin sama na Malam Aminu Kano a ranar Asabar din nan tare da wasu daga cikin ma’aikata da sauran mutane da Gwamna Abba Kabir Yusuf ya bayar da damar suje domin taimakawa musu.

 

Ibrahim Garba Shu’aibu ya ce bayan zuwan maniyyatan sun samu tagomashin samun masauki mai kyau da abinci.

 

Daga karshe ya ce gwamnatin ta shirya ma’aikatan lafiya domin kula da lafiyar maniyyatan a Kasar ta Saudiyya.

Continue Reading

Labarai

Gwamnan Bauchi Ya Sauke Shugaban Ƙaramar Hukuma Da Mataimakinsa

Published

on

Gwamnan Jihar Bauchi Bala Mohammed ya dakatar da shugaban karamar hukumar Alkaleri na rikon kwarya Hon Bala Ibrahim daga bakin aiki.

Gwamnan ya tsige shugaban karamar hukumar ne tare da mataimakinsa kan dalilan da ba a bayyana ba.

Gwamnan ya tsige shugaban karamar hukumar da mataimakin na shine ta cikin wata wasikar kora mai dauke da sa hannun sakataren gwamnatin Jihar Ibrahim Kashim Muhammad ya fitar.

Wasikar ta umarci kantoman da mataimakinsa da su gaggauta mika harkokin shugabancin karamar hukumar ga shugaban sashin gudanarwa na karamar hukumar.

Wasikar mai dauke da kwanan watan 6 ga watan Yuni 2024 na dauke da sallamar da aka yiwa shugabannin.

Bayan fitar da takardar sakataren ya aike da ita ga babban sakatare na ma’aikatar kananan hukumomi da masarautu na Jihar.
Sakataren ya korar ta fara aiki ne nan take.

 

 

 

 

Continue Reading

Talla

Trending

%d bloggers like this: