Connect with us

Labarai

Gwamnatin Sojin Nijar Ta Bude Iyakokin Kasar Biyar

Published

on

Rahotanni daaga jamhuriyar Nijar na nuni da cewar gwamnatin mulkin soji a ƙasar ta buɗe iyakokin ƙasar ga makoftansu biyar.

Sannan an bude iyakokin sama na kasar mako guda da rufewa bayan da sojoji su ka kwaci mulki daga hannun farar hula.

Mai magana da yawun mulkin sojin kasar ya sanar a gidan talabiji na kasar a yammacin Talata cewa, aan buɗe iyakokin ƙasar da su ka haɗa da Mali, Algeria, Burkina Faso, Libiya da kuma Chadi.

Iyakokin ƙasar da su ke cikin kungiyar ECOWAS kamar Najeriya da Benin za su ci gaba da kasancewa a rufe.

Ƙungiyar ECOWAS ta zare kasashen Burkina Faso da Mali bayan nuna goyon bayansu ga mulkin soji a kasar Nijar.

An fara wani zaman tattaunawaa a Najeriya domin duba hanyoyin da za a bi don mayar daa mulki ga farar hula a ƙasar Nijar.

Sai dai helkwatar tsaro ta kasar Najeriya ta ce a halin yanzu, babu wani zaɓi a yanzu illa amfani da karfin mulkin soji don karɓe ikon mulki daga hannun sojojin Nijar tare da kayar da shi ga hambararren shugaban kasar Mohammed Bazoum.

Click to comment

Leave a Reply

Labarai

Gwamnatin Tarayya Ta Ayya Ranakun Hutun Babbar Sallah

Published

on

Gwamnatin tarayya a Najeriya ta ayyana ranakun Litinin da Talata a matsayin ranakun hutun babbar sallah.

 

Hakan ma ƙunshe ne a wata sanarwa da ma’aikatar harkokin cikin gida ta fitar a yau Juma’a.

 

Sanarwar wadda Dakta Aishetu Ndayako sakatariyar din din din a ma’aikatar ta sanayawa hannu.

 

Ministan harkokin cikin gida Tunji Ojo ya buƙaci al’ummar musulmi da su kasance masu sadaukarwa tare da koyi da fiyayyen halitta Annabi Muhammad Sallallahu alaihi Wasallam.

 

Ministan ya ce shugaba Bola Ahmed Tinubu na aiki tukuru wajen ganin ya tsare rayuwa da lafiya da dukiyoyin al’ummar ƙasar.

 

Sannan ya buƙaci al’umma da su bayar da haɗin kai wajen ci gaban ƙasar ta yadda za a samu nasara a abubuwan da ya sa a gaba.

 

Rahotanni sun nuna cewar shugaban zai yi bikin salalrsa a jihar Legas.

Continue Reading

Labarai

Tawagar Shugaban Maniyyatan Jihar Kano Ta Isa Saudiyya

Published

on

Shugaban tawagar Alhazan Jihar Kano ya isa kasa mai tsarki domin jagoranta aikin Hajjin bana a Kasar Saudiyya.

 

Bisa managartan shirye-shirye da aiki tukuru kimanin maniyyata 3,110 ne daga jihar Kano ake sa ran zasu gabatar da aikin hajji a kasar Saudiyya.

 

Mataimakin Gwamnan Jihar Kano Kwamared Aminu Abdulsalam Gwarzo wanda shine Amirul Hajj na Kano tare da wasu daga cikin mukarraban Gwamnati da suka hada da shugaban hukumar Alhazan Jihar Alhaji Lamin Rabi’u Danbaffa da Shugaban majalisar dokokin Jihar Kano Hon Jibril Ismail Falgore da sauransu.

 

Ibrahim Garba wanda shine wanda yake jagorantar yan jaridu kuma mai magana da yawun mataimaki Gwamna jihar kano ya ce gwamnatin jihar za ta tabbatar da maniyyatan sun samu wayewa domin gabatar da hajji karbabbiya.

 

Ibrahim ya kara da cewa tawagar ta samu isa kasa mai tsarki ne ta kamfanin jirgin sama na Max Air daga filin jirgin sama na Malam Aminu Kano a ranar Asabar din nan tare da wasu daga cikin ma’aikata da sauran mutane da Gwamna Abba Kabir Yusuf ya bayar da damar suje domin taimakawa musu.

 

Ibrahim Garba Shu’aibu ya ce bayan zuwan maniyyatan sun samu tagomashin samun masauki mai kyau da abinci.

 

Daga karshe ya ce gwamnatin ta shirya ma’aikatan lafiya domin kula da lafiyar maniyyatan a Kasar ta Saudiyya.

Continue Reading

Labarai

Gwamnan Bauchi Ya Sauke Shugaban Ƙaramar Hukuma Da Mataimakinsa

Published

on

Gwamnan Jihar Bauchi Bala Mohammed ya dakatar da shugaban karamar hukumar Alkaleri na rikon kwarya Hon Bala Ibrahim daga bakin aiki.

Gwamnan ya tsige shugaban karamar hukumar ne tare da mataimakinsa kan dalilan da ba a bayyana ba.

Gwamnan ya tsige shugaban karamar hukumar da mataimakin na shine ta cikin wata wasikar kora mai dauke da sa hannun sakataren gwamnatin Jihar Ibrahim Kashim Muhammad ya fitar.

Wasikar ta umarci kantoman da mataimakinsa da su gaggauta mika harkokin shugabancin karamar hukumar ga shugaban sashin gudanarwa na karamar hukumar.

Wasikar mai dauke da kwanan watan 6 ga watan Yuni 2024 na dauke da sallamar da aka yiwa shugabannin.

Bayan fitar da takardar sakataren ya aike da ita ga babban sakatare na ma’aikatar kananan hukumomi da masarautu na Jihar.
Sakataren ya korar ta fara aiki ne nan take.

 

 

 

 

Continue Reading

Talla

Trending

%d bloggers like this: