Labarai
An Kama Dan Shekara 18 Da Ya Kashe Tsohuwa A Gombe
Rundunar yan sanda Jihar Gombe ta kama wani matashi mai shekara 18 a duniya mai suna Mustapha Adamu Isah da ake zarginsa da hallaka wata tsohuwa mai shekaru 58.
Kakakin rundunar yan sandan Jihar ASP Mahid Mua’zu shi ne ya bayyana haka yayin da yake holen wanda ake zargin a hedkwatar hukumar a ranar Juma’a.
Jaridar The Nation ta bayyana cewa jami’an sun kama yaron wanda ake masa lakabi da Abbati ,da ya hallaka matar mai suna Hajiya Aishatu Abdullahi wacce ake kira da Damori a Unguwar Jeka da fari Quarters da ke cikin garin na Gombe.
Mai magana da yawun rundunar ya ce a ranar Juma’a 20 ga watan Oktoba, yan sanda a yankin garin Pantami suka samu labarin faruwar lamarin daga dan matar da aka hallaka.
Kakakin ya kara da cewa an kama Abbati ne a ranar 22 ga watan Oktoba da muke ciki, bisa zargin hannu a hallaka matar bayan samun bayanan sirri daga tawagar bincike.
Mahid ya bayyana cewa a yayin gudanar da binciken, wanda ake zargin ya amsa cewa ya shiga dakin matar ne domin neman sufanarsa da ta kwace masa.
Kazalika ya ce wanda ake zargin ya kuma ambaci abokinsa mai suna Idris Abubakar Danjauro mai shekaru 17 wanda ya ce ya je dakin tsohuwar domin ya taya shi aikata ta’addancin.
Mahid ya ce bayan kama Idris din ya musanta cewa bai san wanda ya hallaka matar ba.
Kakakin ya bayyana cewa wanda ake zargin ya amsa laifinsa kuma da zarar sun kammala bincike za a mika shi gaban kotu domin yi masa hukunci.
Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.
Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.
Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.
Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.
Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.
Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.
Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.
Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.
Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.
Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.
Buba ya ce daga cikin wadanda aka kama ciki harda 61 da ake zargi da satar mai.
Acewar Buba ‘yan ta’adda a yankin Arewa ta tsakiya sun fara mika wuya ga sojojin su.
Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.
Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.
Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.
Sai dai kuma a halin yanzu gwamnatin Jihar mai ci karkashin Jam’iyyar NNPP ta dauki matakin dawowa da Jami’ar tsohon sunanta.
Northwest University ya samo asali ne a zamanin mulkun tsohon gwamnan Jihar Dr Rabi’u Musa Kwankwaso ya samar da ita.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari