Kwamitin raba asusun tarayya, FAAC, ya raba Naira biliyan 760.235 ga matakai uku na gwamnati a matsayin rabon tarayya na watan Satumba.
Hakan na kunshe ne a cikin wata sanarwa da daraktan yaɗa labarai Phil Abiamuwe-Mowete ya fitar a ranar Alhamis.
Daga Naira Biliyan 760.235, Gwamnatin Tarayya ta samu Naira Biliyan 294.244, Jihohin kuma sun samu Naira Biliyan 233.223, sai kuma ƙananan hukumomi sun samu Naira Biliyan 172.776.
A halin da ake ciki, jihohin da ake hako mai sun samu Naira biliyan 59.992 a matsayin rarar man, wato kashi 13 na kudaden shiga na ma’adinai.
Duk da haka, an yi ajiyar zunzurutun kudi Naira biliyan 60 daga kudaden shigar da ba na mai ba.
Sanarwar da aka fitar ta nuna cewa, yawan kudaden da ake samu daga harajin kimar haraji, VAT, na watan Satumba ya kai Naira biliyan 189.928, wanda ya kasance ragowar da aka raba a watan da ya gabata.
Kudaden Harajin da aka raba na Naira Biliyan 502.135 ya zarce adadin da aka samu a cikin watan da ya gabata, inda aka ware wa Gwamnatin Tarayya Naira Biliyan 232.921.