A kokarinsa na ganin an shawo kan matsalar wutar lantarki a jihar Kano, ga kamfanonin samar da ruwa da fitulun titi da dai sauransu, tashar samar da wutar lantarki ta Tiga mai karfin megawatt 10 na Gwamna Abdullahi Umar Ganduje na gab da ƙaddamar da shirin wutar lantarkin nan da makonni shida.
Gwamna Ganduje ya gamsu da yadda aikin ke gudana a ziyarar da ya kai don gani da ido a tashar samar da wutar lantarki ta Tiga da Tamburawa a ranar Asabar, inda ya kuma yabawa kokarin kamfanin samar da wutar lantarki na jiha, KEDCO, ‘yan kwangila da sauran masu ruwa da tsaki.
Kamar yadda aka tsara tun farkon aikin, megawatts 10 da aka samar daga tashar Tiga, za a yi amfani da shi don kula da matattarar ruwa ta Tamburawa da fitilun tituna.
Ya ce da wannan, za a magance matsalar ruwa da ake fama dashi, da ma batutuwan fitilun tituna nan ba da jimawa ba za su zama tarihi.
Yayin da akesa ran wannan aikin zai fara aiki a ranar 29 ga Janairu, 2023, har yanzu suna kan aikin irin wannan a Dam Challawa Godge, inda suke samar da Megawatts shida.
Nan da ‘yan makonni masu zuwa za a kwashe wutar da ake samu daga Tiga zuwa cibiyar kula da ruwa ta Tamburawa. Yayin da aka kammala dukkan layukan tashi daga Tiga zuwa Tamburawa.
Abin da ya rage a yanzu shi ne takardar shedar karshe daga Hukumar Kula da Wutar Lantarki ta Najeriya (NEMSA) da kuma Automation, wanda kuma ake ci gaba da gudanar da shi nan da kwanaki biyar masu zuwa, kamar yadda ‘yan kwangila suka tabbatar.
Gwamna Ganduje ya ba da tabbacin cewa zai yi duk mai yiwuwa don ganin ya bar gadon da ba za a taba mantawa da shi ba a kowane fanni na ayyukan dan Adam kafin cikar wa’adinsa na biyu.