Rahotanni daga jihar Borno na nuni da cewar wata gobara ta ƙone sansanin ƴan gudun hijira a Maiduguri ta jihar Borno.
Gobarar ta fara ne da misalin ƙarfe 11:00am na safiyar yau Litinin.
Kayan abinci masu yawa ne su ka ƙone yayin da gidaje da sauran kayan amfani su ka ƙone ƙurmus.
Wani da lamarin ya faru a gabansa ya shaida cewar gobarar ta yi mummunan ta’adi.
Gobarar wadda ta tashi a sansanin ƴan gudun Hijira na Muna Garaje ba a gano sanadin faruwarta ba.
Sai dai babu rahoton rasa rai a sanadin gobarar.