Shugaba Muhammadu Buhari ya isa Maiduguri babban birnin jihar Borno domin wata ziyarar aiki ta kwana daya.
Shugaba Buhari ya isa birnin Maiduguri da misalin karfe 11 na safiya, a inda yake tare da rakiyar manyan jami’an gwamnati.
Shugaban ya sami tarba daga gwamnan jihar Babagana Zulum da sauran tawagar gwamnatin jihar.
A na saran shugaba Buhari zai gana da ‘yan kasuwar da suka rasa shagunansu a wata gobara a babbar kasuwar jihar, da kuma kaddamar da tashar samar da wutar lantarki.
