Shugaban Najeriya Bola Ahmed Tinubu ya roki matasan ƙasar da su jingine batun zanga-zanga tare da ƙara bashi lokaci
Ministan yaɗa labarai a Najeriya Mohammed Idris ne ya bayyana haka yau yayin ganawa da manema labarai a fadar shugaban kasa.
Ya ce shugaba Tinubu ya bashi unarnin ganawa da ƴan ƙasar musamman ma matasa dangane da batun zanga-zanga da su ke shiryawa
Ya ce a halin da ake ciki su na kan ɗaukar matakan da za u bi don ganawa da masu shirya zanga-zangar.
Ministan ya ce sun gana shugaban ƙasa kuma ya yi masa dukkan bayanan matsalolin da ake fuskanta
Sannan ya ce a halin yanzu shugaban ƙasar na aiki haikan don ganin komai ya tafi cikin hanzari yadda za a samar da mafita ga matsalolin.
Ministan ya ce shugaban ya buƙaci a sake bashi lokaci domin ganin irin tanadin da ya yi wa ƴan kasar a kan koken da su ke yi