Za’a gina gidajen yarin ne domin rage cunkoso a gidajen yari da su ke Kano da sauran jihohi.
Gwamnatin shugaban Najeriya Muhammadu Buhari ta sha alwashin ƙara gidajen yari a Kano da wasu jihohi.
Ministan harkokin cikin gida Ra’uf Aregbesola ne ya bayyana haka yayin ƙaddamar da helkwatar gidan yari a jihar Osun.
ya ce gwamnatin za ta gina gidajen yari mai ɗaukar mutane 3,000 a tsakanin jihohin Kano, Rives da babban birnin tarayya Abuja.
Wannan wani salo ne da gwamnatin ta ɗauka domin rage cunkoso a gidajen yari na jihohin.
A halin yanzu a na kan gina gidan yari na zamani a Kano da wasu jihohi sannan za a sake gina wasu sababbi a nan gaba.