Labaran ƙasa
Za a sauya shugaban INEC na ƙasa
Akwai yuwuwar sauya shugaban hukumar zaɓe na ƙasa bayan ɗage zaben da aka shiya yi yau a Najeriya.
Shugaban ƙasa Muhammadu Buhari ya bayyana takaicinsa matuƙa kan ɗage zaɓen wanda ya bayyana hakan a matsayin gazawar aiki da hukumar zaɓen.
Shugaban ya koma Abuja a yau bayan zuwansa mahaifarsa don gudanar da zaɓen da aka shiya yi yau a baya.
Mujallar Matashiya ta gano cewar da yawan mutane ba su fita ba a yau, kasuwanni sun kasance a rufe, da sauran wurare da dana.
Farfesa Mahmud Yaƙub dai ana tunanin maye gurbinsa da shugabar hukumar ta riƙo Amina Zakari.
Sai dai hukumar zaɓen ta ƙasa ta bayyana cewar ta ɗage zaɓen ne bisa dalilai da suka shafi tsaro da kuma rashin kai kayan zaɓe ofisoshin hukumar a kan lokaci.
Wannan al amari dai ya janyo cece kuce a faɗin ƙasar kasancewar an samu sanarwar ne a cikin dare.
Da yawan mutane sun shirya gudanar da zaɓe a yau hasali ma ma aikatan zaɓen da aka ɗauka na wucin gadi sun halarci wurin wanda wasu suka kwana a can duk da muku ukun sanyi da ake yi a wasu jihohin ƙasar.
Shin kuna ganin sauya shugaban hukumar zaɓen zai haifar da ɗa mai idanu?
Babbar kotun tarayya da ke Abuja ta hana jami’an hukumar kula da lafiyar ababen hawa ta VIO kamawa, tsarewsa ko cin tarar ababen hawa.
Kotun karkashin mai sharia Juctice Evelyn Maha, ya yanke hukuncin ne a jiya Laraba
Ya ce a tsarin doka hukumar ba ta da hurumin kwacewa, kamawa ko cin tarar direbobi baya tsaresu a kan tituna.
Alkalin ya gamsu da korafin da wani Attorny Marshal ya shigar a gaban kotun.
Wanda ya ce yin hakan take hakkin dan adam ne.
A hukuncin da kotun ta yanke a jiya, ta hana jami’an na VIO kamawa, tsarewa ko cin tarar dorebobi.
Kotun ta ce hakan ya sabawa dokar aikinsu kuma karya doka ne.
A don haka ne ma kotun ta haramtawa jami’an.
Hukumar ƙididdiga a Najeriya ta ce an samu raguwar shigo da man fetur Najeriya da lita biliyan 3.5 a shekara guda.
Wani rahoto da hukumar ta fitar jiya Talata, ta gani cewar a shekarar 2023 an shigo da mai lita biliyn 20.30 yayin da a shekarar 2022 aka shigo da lita biliyan 23.54 wanda ke nuni da cewar an samu raguwar shigo da shi da kaso 13.77 tsakanin shekarun.
An dai samu ƙarancin shigo da man fetur tun bayn da gwamnatin tarayya ta fara yunƙurin cire tallafin man fetur.
Yayin da aka kara samun karancin shigo da shi bayn da shugaban ƙasa Bola Tinubu ya sanar da cewar ba zai ci gaba da biyan tallafin man fetur ba.
A halin yanzu kuwa man fetur na a kasuwa domin yi wa kansa da kansa farashi.
Fadar shugaban Najeriya ta ce za a yi sauye sauye a mukaman da shugaban ya bai wa masu dafa masa sha’anin mulkin ƙasar.
Da alama dai za a tantance kokarin murraban gwamnatin bisa kwazon kowa daga bayanan da su ke bai wa shugaban ƙasar a kowanne wata.
Batun ya fito ne daga hadiman shugaban ƙasa Bayo Onanuga da O’Tega Ogra yayin taron manema labarai a Abuja.
Onanuga ya ce shugaban ƙasar ya shida cewar zai yi duba ga mukarrabansa, kuma tabbas zai yi.
Sai dai y ce ba shi da masaniya ko zai yi hakan ne kafin watan Oktoba.
A nasa bangaren, Ogra ya ce za a tantance kwazon mukarraban gwamnatin ne bisa kwazon aikin kowa daga rahotannin da su ke kaiwa.
Shugaba Tinubu dai na shan suka daga jamiyyun hamayya har a da jamiyyarsa tare da kira a gareshi don sauke dukkanin ministocinsa da ba sa tabuka komai.
kwazon yan majalisar zararwar shugaban ƙasa
-
Labarai8 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada5 years agoFahimta ta a kan matsalar aure a ƙasar Hausa
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari5 years agoSinadarin gyaran gashi – Adon Gari