Labarai
Yadda na fara gyaran jannareto – wata Budurwa a Kano
Fadila Sani Shu’aibu ƴar jihar Kano a ƙaramar Hukumar Fagge ta bayyana cewar sha’awa ce ta sakata yin sana’ar wadda a yanzu ta zamto mata madogara.
Tun bayan da ta koyi gyaran jannareton a ofishin mujallar Matashiya yayin da suke bayar da horon sana’o’I ga matasa kyauta, ta ce bayan ta kammala ta ƙudiri aniyar buɗe wajenta tare da yin sana r a farashi mai sauƙi.
“Bayan na kammala koyon sana’ar tawa ne kuma na buɗe wajena tare da ɗaukar wasu nima ina koya musu.
Ƙalubalen da nake fuskanta na yadda wasu mutanen ke ɗaukata ban san me nake ba, wasu kuma su ƙi bawa sana’ar tawa muhimmanci amma wannan bai sa na gaza da abinda na sa a raina ba” inji Fadila.
“Da yawan mutane na ɗauka cewar kamar ban iya ba amma idan suka zo sai su tabbatar, wannan sana’ar kuma tawa ta yimin komai tunda ina biyan buƙatuna da ita” a cewarta.
Matashiyar budurwar wadda ta rungumi sana;ar gyaran gyannareto, ta bayyana cewar sai da ta kammala karatunta na fannin malunta wato NCE amma ba ta tsaya sai ta yi aikin gwamnati ba sai ta zo koyon sana’ar gyaran jannareto bayan da ta ji an sanar mujallar Matashiya za su bawa matasa horo kyauta.
Ta sha alwashin cigaba da riƙe sana’ar tata wanda ta ce tana da burin bunƙasa ta ta zama babban kamfani da zai ke gyara jannareto kuma ko da ta zama wani abu a cikin sana ar ba zata yar da ita ba.
Sannan ta shawarci matasa da su kasance masu dogaro da kansu ba sai sun tsaya bin kyale-kyale ko aikin gwamnati b, domin akwai sana’o’I da yawa waɗanda za su zama tsani zuwa ga cika muradin kowanne mutum.
Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.
Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.
Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.
Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.
Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.
Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.
Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.
Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.
Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.
Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.
Buba ya ce daga cikin wadanda aka kama ciki harda 61 da ake zargi da satar mai.
Acewar Buba ‘yan ta’adda a yankin Arewa ta tsakiya sun fara mika wuya ga sojojin su.
Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.
Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.
Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.
Sai dai kuma a halin yanzu gwamnatin Jihar mai ci karkashin Jam’iyyar NNPP ta dauki matakin dawowa da Jami’ar tsohon sunanta.
Northwest University ya samo asali ne a zamanin mulkun tsohon gwamnan Jihar Dr Rabi’u Musa Kwankwaso ya samar da ita.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari