Labarai
Zargin Kisan Ƴar Aiki – Akwai Yuwuwar Kotu Ta Bayar Da Belin Wadda Ake Zargi
Lauyan da ya jagoranci ɓangaren wadda ake zargi da kashe yar aikin ta Barista Ibrahim Cheɗi ya bayyana wa Mujallar Matashiya cewar suna da kwarin gwiwar gabatar da hujjojin da za su ba ta kariya a gaban shari’a.
A yayin da yake yiwa Mujallar Matashiya ƙarin haske dangane da zaman kotun a yau, ya ce kotun na duba yuwuwar bayar da belin Fatima Hamza daga nan zuwa ranar 16 ga watan da muke ciki.
Barista Cheɗi ya ce akwai dalilai da suka buƙaci a bayar da belin wadda ake zargi na ganin ba ta da lafiya, ga jajririn ciki da ta ke ɗauke da shi sannan ga jaririya da ta ke raino.
Lauyoyin ɓangaren gwamnati da wadda ake zargi sun gabatar da hujjoji a kan wadda ake zargi, sannan alƙalin zai yi nazari a kan yuwuwar bayar da belin ko akasin haka daga yau zuwa ranar 16 ga wata.
A zaman kotun na yau wadda ake tuhuma ta musanta zargin da ake yi mata.
A cewar Barista Cheɗi “Ka san tuhuma ta kisan kai kala-kala ce, akwai wadda ke ƙarƙashin sashe na 221 da ƙarƙashin sashe na 222 da kuma shashe na 224.
“Amma sashen da ake tuhumarta a kai sashe ne da mafi tsananin hukuncin da za a yanke shi ne ɗaurin rai da rai, ko wasu shekaru a gidan gyaran hali, ko kuma a ba da zaɓin tara.
“Kuma yanayin da take ciki ko da a cikin manyan laifukan kisan kai ne kotu na iya bayar da belin wadda ake zargi.
“Idan lokacin gabatar da shaidu ya yi za a sha mamaki saboda yadda mutane suka ɗauki shari’ar ba haka ta ke ba.” a cewar Barista Cheɗi.
Ƴan bindiga sun kashe mafarauta 18 a wani harin da suka kai a ƙaramar hukumar Bali da ke jihar Taraba.
Jaridar Daily Trust ta ruwaito cewa an kashe mafarautan 15 ne a wata arangama da ƴan bindiga a wani dutse kusa da garin Maihula a ranar Talata, 28 ga watan Nuwamba.
An ruwaito cewa ƴan bindigan da yawansu ya haura 200 sun yi yunƙurin kai hari a garin Bali Shalkwatar ƙaramar hukumar Bali, da wasu ƙauyukan da ke kewaye amma mafarautan sun yi artabu da su.
Ƴan bindigan waɗanda suke ɗauke da miyagun bindigu da suka fi na mafarautan, sun halaka mafarauta 15 a yayin artabun.
Wata mazaunin yankin mai suna Musa Umar ya bayyana cewa, mafarauta 14 ne suka mutu a wurin artabun, yayin da wasu mafarauta da dama suka samu raunuka, ɗaya kuma ya mutu a hanyar zuwa Asibitin Jalingo wanda adadin ya kai 15.
Shugaban kungiyar mafarauta na jihar Taraba, Adamu Dantala ya bayyana cewa an kashe mambobinsa 15 a wata arangama da ƴan bindiga.
Ya ce ƴan bindigan sun kuma yi wa mambobinsa kwanton ɓauna a kusa da garin Dakka a ƙaramar hukumar Bali inda suka kashe mafarauta uku.
A kasafin kudin shekara mai zuwa ta 2024, Bola Ahmed Tinubu ya ce babban abin da zai dage a kai shi ne tsaro da zaman lafiya a ƙasa Najeriya.
Fadar shugaban kasa ta ce shugaba Bola Ahmed Tinubu ya sha alwashin samar da ayyukan yi tare da farfado da tattalin arzikin Najeriya.
A jawabin da ya gabatar, Bola Tinubu ya ce za a yiwa tsarin tsaro kwaskwarima a Najeriya domin a tsare rayuka da dukiyoyin jama’a.
Kundin kasafin kudin shekarar 2024 ya fi karkata zuwa ga wasu abubuwa takwas, kamar yadda mai magana da yawun shugaban ƙasa Ajuri Ngelale ya sanar a jiya Laraba.
Daga cikinsu akwai samar da hanyar da masu hannun jari za su kawo kudi domin yin kasuwanci wanda hakan zai inganta tattalin arziki.
Gwamnatin Tinubu za ta kara tsayawa tsayin-daka wajen yakar talauci da zarar an amince da kasafin kudin na 2024 a majalisun tarayya.
Kasafin kudin 2024 ya bada karfi a abin da ya shafi cigaban al’umma, musamman kananan yara wanda sai da su ake cigaba.
Wasu da ake kyautata zaton ƴan bindiga ne sun kashe manoma biyu a gonakinsu a yankin Yangtu a jihar Taraba.
Kamar yadda Channels tv ta ruwaito, lamarin ya faru ne da sanyin safiyar ranar Talata a kudancin jihar da ke shiyyar Arewa maso Gabas.
Tsohon ɗan majalisa mai wakiltar ƙaramar hukumar Ussa a majalisar dokokin Taraba, Habila Timothy, ya bayyana cewa manoman sun fito ne daga ƙauyen Kpambo.
Ya shaida wa gidan talabijin na Channels cewa manoman sun je gonarsu da ke Kwambai, garin da ya haɗa iyaka da ƙaramar hukumar da kuma yankin Yangtu.
A nasa ɓangaren, jami’in hulɗa da jama’a na rundunar yan sandan jihar Taraba, Abdullahi Usman, ya ce har yanzu rahoton bai kai ga ofishin ƴan sanda ba.
Ya kuma ƙara ba da tabbacin cewa hukumar ta ɗauki matakai kuma an yi nisa a kokarin kakkabe yan bindiga gaba ɗaya daga jihar.
-
Mu shaƙata10 months agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Al'ada5 years agoFahimta ta a kan matsalar aure a ƙasar Hausa
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini3 years agoLokutan da ake saurin karɓar addu’a
-
Bidiyo3 years agoWanene Halilu Ahmad Getso? Ƴar cikin Gida
-
Lafiya5 years agoMenene Genotype ? Amfanin yinsa kafin Aure – Mujallar Matashiya
-
Labarai8 months agoAkwai Jihohi Goma Da Zaɓen Gwamna Bai Kammala Ba A Najeriya Ko Har Da Kano?