Connect with us

Labarai

Boko Haram Sun Kashe Sojoji 18 A Borno

Published

on

Aƙalla sojoji 18 mayaƙan Boko Haram su ka kashe yayin da su ka kai hari sansanin su da ke jihar Borno a ranar Lahadi.

Rundunar sojin ta tabbatar da mutuwar mutanen sai dai ta ce sojojin da aka kashe guda bakwi ne kacal kuma an kashe su ne yayin da su ke ƙoƙarin daƙile harin da aka kai musu a sansanin su.

Baya ga sojojin da aka hallaka, akwai wasu guda 43 waɗanda su ka ji munanan rauni sai kuma wasu sojoji 50 da su ka ɓata.

A sakamakon harin da mayaƙan su ka kai sansanin sojin a Moinok ƴan Boko Haram sun tafi da makaman sojojin masu yawa sannan su ka ƙone sauran kayayyakin sojojin.

Daga cikin sojojin da su ka rasa ran su har da babban kwamandan rundunar a sansanin.

Harin Moinok na zuwa ne bayan da mayaƙan Boko Haram su ka ci ƙarfin GARIN Geidam Na jihar Yobe.

A ƴan kwanakin nan mayaƙan Boko Haram na tsananta kai hare-hare wanda har ta kai da yawa daga cikin mutanen na barin muhallin su.

 

Click to comment

Leave a Reply

Labarai

A Karo Na Shida – Babbar Tashar Samar Da Lantarkin Najeriya Ta Sake Lalacewa

Published

on

Rahotanni da ke nuni a wannan lokaci an sake samun katsewar hasken lantarki a Najeriya bayan da rumbun samar da wutar na ƙasa ya sake lalacewa.

Matsalar ta auku ne da misalin ƙarfe 2:42 na dare wayewar yau Litinin.

Lalacewar ya haifar da ƙarancin wuta na faɗuwar megawatt 64.70.

Yyain da yake tabbatarwa da jaridar Daily Trust batun, shugaban DisCo a Jos Dakta Adakole Ejihah ya ce lamarin ya faru, kuma ana fatan shawo kan matsalar ba da jimawa ba.

Wannan shi ne karo na shida da babban rumbun samar da wutar ya samu matsala a shekarar 2024 da mu ke ciki.

Continue Reading

Labarai

Sama Da Mutane 85 cikin 100 Na Amfana Da Tallafin Wutar Lantarki

Published

on

Ministan yaɗa labarai da wayar da kan jama’a, Mohammed Idris, ya yi magana kan janye tallafin wutar lantarki da gwamnatin tarayya ta yi.

 

Ministan ya ce sama da Naira tiriliyan 1 da za a samu sakamakon janye tallafin wutar lantarki, za a yi amfani da su wajen inganta samar wutar lantarki da ayyukan more rayuwa a ƙasar nan.

 

Jaridar The Nation ta ce Idris ya bayyana haka ne a Kaduna a jiya lokacin da ake tattaunawa da shi a shirin ‘Hannu da Yawa’ na Rediyo Najeriya da ke Kaduna.

 

Ministan ya ce wasu ƴan tsiraru masu hannu da shuni da kamfanoni ne kawai ke kwashe garaɓasar tallafin wutar lantarkin.

 

A cewarsa kaso 40% na tallafin wutar lantarkin yana amfanar kaso 15% da ke samun wutar lantarki ta sa’o’i 20 a kowace rana.

 

Idris ya jaddada cewa har yanzu kaso 85% cikin 100% na al’ummar da suke ƙarƙashin sauran rukunonin wutar lantarkin na samun tallafi.

Continue Reading

Labarai

Gwamnan Kano Ya Nuna Bacin Rai Kan Sakin Yan Daba A Kano

Published

on

Gwamna Abba Kabir na jihar Kano ya nuna bacin ransa kan yadda aka saki ‘yan daba da ke kulle a jihar.

Gwamnan ya ce wannan wani mataki ne na kawo tsaiko a kokarin da gwamnati ke yi na dakile matsalar dabanci a jihar.

Abba Kabir ya bayyana haka ne yayin tarbar Sarkin Kano, Alhaji Aminu Ado Bayero a gidan gwamnati.

Ya bayyana yawan ‘yan dabar da aka kama domin yi musu hukunci amma abin takaici an sako su.

Har ila yau, gwamnan ya zargi jam’iyyun adawa da kokarin kubutar da ‘yan dabar domin biyan buƙatar kansu ta siyasa.

Continue Reading

Talla

Trending

%d bloggers like this: