Labarai
Ƙungiyar STREF Ta Zaɓi Gwarzon Malami Na Shekarar 2021 A Kano
Wata ƙungiya mai rajin bibiya a kan yadda malaman sakandire a Kano ke gudanar da harkokin koyarwar su ta zaɓi gwarzon ta na shekarar 2021.
Ƙungiyar Stem Teachers Reward And Empowerment Foundation (STREF) ta zaɓi Malam Haruna Ali Isah wanda ya ke koyarwa a makaranatar sakandiren mata ta GGSS Ƙaraye a matsayin gwarzon shekarar 2021.
An zaɓi Injiya Haruna Ali Isa tare da ba shi lambar yabo ta girmama wa duba ga yadda ya ke jajircewa wajen koyar da ɗalibai tare da tabbatar da sun fahimci darasin da ya ke koya musu.
Shugaban ƙungiyar Love Odion ta ce sun zaɓi gwarzon ne bayan bibiyar aikin koyarwar da ya ke yi har su ka aminta da jajircewar sa domin ciyar da ilimi gaba.
Haruna Isa wanda shi ne shugaban ƙungiyar Alƙaryata Rimin Kebe a ƙaramar hukumar Ungogo da ke Kano, ya nuna jin daɗin sa a bisa yadda ƙungiyar ta zaɓo shi tare da ba shi wannan lambar yabo.
Injiniya Haruna Ali ya zamto na farko da ƙungiyar ta karrama sai wasu sauran malamai huɗu da ke sauran makarantun sakandire daban-daban a Kano.
Babban sakatare a hukumar kula da makarantun kimiyya na jihar Kano Tijjani Ahmad Abdullahi ya taya gwarzon murna tare da jan hankalin sauran malamai da su yi koyi da irin yadda ya ke jajircewa tare da aiki tuƙuru domin ci gaban ilimi a jihar Kano.
Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.
Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.
Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.
Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.
Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.
Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.
Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.
Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.
Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.
Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.
Buba ya ce daga cikin wadanda aka kama ciki harda 61 da ake zargi da satar mai.
Acewar Buba ‘yan ta’adda a yankin Arewa ta tsakiya sun fara mika wuya ga sojojin su.
Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.
Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.
Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.
Sai dai kuma a halin yanzu gwamnatin Jihar mai ci karkashin Jam’iyyar NNPP ta dauki matakin dawowa da Jami’ar tsohon sunanta.
Northwest University ya samo asali ne a zamanin mulkun tsohon gwamnan Jihar Dr Rabi’u Musa Kwankwaso ya samar da ita.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari