Labaran jiha
Gwamnatin Zamfara Ta Ce Ƴan Bindiga Sun Kashe Mutane 37 An Sace Sama D 60 A Jihar
A wani labarin kuma wasu da ake kyauta zaton ƴan bindiga ne sun abka ƙauyukan Juyi da Doruwa a ƙaramar hukumar Bungudu da jihar Zamfara sannan su ka hallaka mutane 17.
A wata sanarwa da mai bai wa gwamnan jihar shawara a kan kafafen yaɗa labarai Zailani Baffa ya sanyawa hannu, sanarwar ta ce ƴan bindiga sun sace mutane 62 tare da kashe mutane 37 a ƙananan hukumomin Bunguɗu da Bukkuyum na jihar Zamfara.
Sanarwar da aka fitar a madadin gwamnan jihar kuma ya aike da saƙon ta’aziyyar sa ga iyalan waɗanda su ka rasa ƴan uwansu.
Gwamnan jihar ya bai wa hukumar jin ƙai da bayar da tallafi a jihar umarnin kula da mutanen da abin ya shafa domin rage musu raɗaɗin harin da aka kai musu.
Gwamnatin jihar ta ce ba za ta kayara a kan hare-haren yan bindiga ba kuma hakan ba zai sa ta sassauta a ka mataka da ta ke ɗauka na kawo ƙarshen hakan ba.
Jihar Zamfara ta yi ƙaurin suna wajen fuskantar hare-haren yan bindiga wanda hakan ke silar salwantar da rayuwan mutane masu yawa tare da raba dubbai daga muhallinsu.
Gwamnatin jihar Kano ta soke komawar ɗalibai makaranta ranar Litinin.
Hakan na kunshe a wani sakon murya da kwamishinan ilimi a jihar Umar Haruna Doguwa ya sanar.
Ya ce an dakatar da komawa makarantar ne saboda wasu abubuwa dasu ka taso.
Sannan ya ce za a sanar da ranar komawa nan gaba kaɗan.
Kwamishinan ya bai wa iyaye hakuri dangane da jinkirin da aka samu.
Mutane 20 ake fargabar sun mutu yayin da mutane 3,000 su ka rasa muhallinsu a jihar Yobe.
Shugaban ƙaramar hukumar Bade Babagana Ibrahim ne ya bayyana haka ya ce lamarin ya faru sakamakon ruwan kamar da bakin ƙwarya.
Ya ce gwamnatin na ƙoƙarin samar da kayayyakin agaj kamar abinci, magunguna, da taftataccen ruwan sha don kare su daga kamuwa daga cutuka.
Sai dai ya ce akwai buƙatar agajin gwamnatin tarayya duba ga yawan masu gudun hijirar.
Shugaban ya ce makonni biyu kenan aka shafe ana samun ruwan sama wanda ya yi sanadiyyar ambaliya.
Lamarin ya shafi Gashua tare da umartar mutanen da ke rayuwa a wuraren da ambaliyar na iya shafa da su kauce tare da barin gidajensu.
Labaran jiha
Bayan Ɓarkewar Zanga-zangar Kan Tsadar Man Fetur Gwamnan Jihar Kwara Ya Bayar Da Umarnin Fito Da Manyan Motoci Da Ɗaukar Mutane Kyauta
Gwamnan jihar Kwara Abdurrahman Abdurrazak ya bayar da umarnin fitar da motoci a kwaryar birnin jihar don saukaka harkar sufuri.
Gwamnan ya bayar da umarnin ne bayan da jama’a ke kokawa danane da tashin farashin man fetur a ƙasar.
Babban sakataren yaɗa labaransa Rafiu Ajakaye ne ya bayyana haka a wata sanarwa da ya fitar.
Sanarwar ta ce za a ɗauki mutane zuwa manyan wurare kyauta
Wannan dai na zuwa ne yayin da masu ababen hawa su ka tafi yajin aiki sanadin ƙarin farashin mai wanda hakan y sa fasinjoji su ka yi cirko cirko a tituna.
Gwamnan ya bai wa jama’ar jihar hakuri dangane da halin da ake ciki na tsadar man fetur.
-
Labarai8 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada5 years agoFahimta ta a kan matsalar aure a ƙasar Hausa
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari5 years agoSinadarin gyaran gashi – Adon Gari