Labarai
Cancanta Ce Ta Sa Aka Zaɓi Ramat Cikin Matasa Masu Muhimmanci A Afrika – Ganduje
Gwamna Ganduje Ya Taya Shugaban Karamar Hukumar Ungogo Ramat Murna Kan Zabensa Daya Daga Cikin Matasa 50 Mafi Muhimmanci A Afirka.
Gwamnan Kano Dr Abdullahi Umar Ganduje ya taya Shugaban Karamar Hukumar Ungogo, Injiniya Abdullahi Garba Ramat murnar kasancewa daya daga cikin matasa 50 masu muhimmanci a nahiyar Afirka. Duba da yadda suke kawo cigaban al’umma musamman ta yin amfani da hanyoyin zamani na sadarwa.
An yi bikin ba su kyaututtukan girmamawa a Dubai, wanda Injiniya Ramat tare da ragowar matasan su ka karbi shaidar girmamawa daga Masaraucin Dubai, wato Sheikh Rashid Bin Majid Al-Mu’alla.
Maigirma Gwamna ya ce “Kamar yadda kungiyar nan ta Matasan Afirka mai suna Pan African Youth Leadership Foundation ta zabi Shugaban Karamar ta Ungogo Injiniya Abdullahi Garba Ramat ya kasance daya daga cikin matasa 50 da su ka yi fice wajen kyautata rayuwar al’umma a wannan nahiyar ta mu, mun kara tabbatar da cewa shi din abin koyi ne kuma abin alfahari ne gare mu.”
Ya kara da cewa, Ramat kasancewarsa matashin da ya san abinda ke damun ‘yan uwansa matasa kuma har ya ke hobbasa wajen ganin ya samar musu da abubuwan da za su kyautata rayuwarsu, ya cancanci yabo. Kuma ya cancanci ya zama abin koyi.
Wannan gagarumin abu, kamar yadda ya ce, “…ba wai abin a yaba ba ne kawai, a’a abu ne da kuma yake nuna mana irin matakin da Ramat ya taka na kyautata harkar shugabanci a matakin da ya taka. Wannan kuma babban abin a yaba ne.”
“Mun kuma yaba da rawar da yake takawa wajen kyautata harkokinsa na mulki a dukkan bangarorin da a kai amfani da su har ya samu ya kai wannan matsayi,” in ji Gwamnan.
Sannan ya kara da cewa, “Bangarorin kuwa sune samar da zaman lafiya tsakanin al’umma, bin sababbin hanyoyin zamani don kawo cigaba ga al’umma, yin kokarin ganin an kara kyautata hanyoyin samun nasarar cin ma manufa na Muradun Karni (SDGs) da kuma kara kyautata yadda mulkin dimukiradiyya yake.”
“Mu na taya ka murna Injiniya Abdullahi Garba Ramat samun wannan yabo da fice da ka yi a cikin matasan Afirka. Ba wani abu irin wannan ke nunawa ba, face yadda kake samar da ci gaba ga al’umarka da kuma yadda ka dauki matasa da muhimmanci a abubuwan ka na yau da kullum. Ba kuma kawai a Kano ba ko kasar ta mu, har ma a nahiyar Afirka,” in ji Gwamna Ganduje.
Gwamnan ya yi kira ga matasa daga bangarorin nahiyar ta Afirka da su yi koyi da Injiniya Ramat. Sannan kuma Gwamna Ganduje ya ji dadin yadda Ramat ya bayyanawa Al-Mu’alla yadda matasa a Kano ke samun jagoranci na gari daga wajen gwamnan.
Abba Anwar
Babban Sakataren Yada Labaran Gwamnan Jihar Kano
Asabar, 13 ga Agusta 2022
fatimanbaba1@gmail.com
cps@kanostate.gov.ng
Wani mai maganin gargajiya mai suna Ismail Usman ya harbi kansa a lokacin da yake gwajin maganin bindiga a yankin Kuchibiyi da ke Karamar Hukumar Bwari a birnin Abuja.
Wani mazaunin Kuchibiyi Samson Ayuba ya ce lamarin ya faru ne a ranar Alhamis, a lokacin da mutumin ya ke kokarin gada ingancin maganin bindgar da ya hada.
Ya ce sai dai bayan faruwar lamarin an yi gaggawar kai shi asibitin gwamnati da ke Kubwa bayan ya fadi, inda kuma ya samu raunuka.
Mai magana da yawun rundunar ‘yan sandan birnin na Abuja Joesephine Adeh ta tabbatar da faruwar lamarin ta cikin wata sanarwa da ta fitar.
Adeh ta ce sun samu rahotan cewa wani mai maganin gargajiya ya harbe kansa a lokacin da yake gwajin maganin bindigar da ya hada.
Sai dai ta ce sakamakon munanan raunukan da ya samu aka kai shi asibitin Kubwa domin duba lafiyarsa, daga bisani kuma aka mayar da shi asibitin kwararru da ke Gwagwalada domin kara samun kulawa.
Kakakin ta kara da cewa abinciken da aka gudanar a gidansa an gano wata bindigar gargajiya da layu wadanda ya yi amfani da su gurin gwajin maganin bindigar.
Adeh ta ce a halin yanzu su na ci gaba da gudanar da bincike kuma za su gurfanar da shi a gaban kotu bisa zarginsa da mallakar makami ba bisa ka’ida ba tare da yunkurin hallaka kansa.
Rundunar sojin Najeriya ta ce jami’anta sun samu nasarar hallaka ‘yan ta’adda 135, tare da kama mutane 185 da ake zargi da aikata laifuka, da kuma ceto mutane 129 da aka yi garkuwa da su a sassa daban-daban na fadin Kasar nan a cikin mako guda.
Daraktan yada yada labaran hedkwatar tsaro ta Kasa Manjo Janar Edward Buba ne ya bayyana hakan ne a yau Asabar a hedkwatar da ke Abuja.
Buba ya ce daga cikin wadanda aka kama ciki harda 61 da ake zargi da satar mai.
Acewar Buba ‘yan ta’adda a yankin Arewa ta tsakiya sun fara mika wuya ga sojojin su.
Gwamnatin Jihar Kano ta mayarwa da Jami’ar Yusuf Maitama Sule tsohon sunanta na asali.
Majalisar Zartarwar jihar ce ta dauki matakin mayarwa da Jami’ar tsohon sunanta, bayan wani taro da gwamna Abba Kabir Yusuf ya jagoranta a jiya Juma’a.
Idan ba a manta ba dai a watan Yulin shekarar 2017 ne tsohon gwamnan Jihar Kano Dr Abdullahi Umar Ganduje, ya canjawa jami’ar suna zuwa Jami’ar Yusuf Maitama Sule, domin tunawa da marigayi Dan Masanin Kano Yusuf Maitama Sule, bisa irin gudummawar da ya bai’wa Jihar, dama Kasa baki daya.
Sai dai kuma a halin yanzu gwamnatin Jihar mai ci karkashin Jam’iyyar NNPP ta dauki matakin dawowa da Jami’ar tsohon sunanta.
Northwest University ya samo asali ne a zamanin mulkun tsohon gwamnan Jihar Dr Rabi’u Musa Kwankwaso ya samar da ita.
-
Labarai10 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare6 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada6 years agoFahimta ta a kan matsalar aure a ƙasar Hausa
-
Labarai6 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari6 years agoSinadarin gyaran gashi – Adon Gari