Zanga-zanga ta ɓarke bayan da kotun ƙoli a Abuja ta yanke hukuncin a kan zaɓen gwamnan jihar Nassarawa.
An toshe hanyar zuwa Jos daga Lafia bayan da kotun ta yanke hukuncin yau Juma’a.
Kotun ta ayyana Abdullahi Sule na jam’iyyar APC a matsayin halastaccen gwamnan jihar.
Masu zanga-zangar sun kona tayoyi a babbar hanyar lamarin da ya hana matafiya wucewa.
Sai dai rahotanni sun ce jami’an tsaro sun yi ƙoƙarin kai ɗauki lamarin da ya sa zanga-zangar ta lafa.
Idan ba a manta ba kotu a baya ta soke nasarar gwamna Abdullahi Sule na jam’iyyar APC a wanda hukumar zaɓe ta ayyana a matsayin wanda yayi nasara.