Labarai
Fadan da Gwamnan Borno yayi wa sojoji ka iya dawo da hannun agogo baya a fannin tsaron jihar– RUNDUNAR SOJI
Rundunar Sojin kasa ta Najeriya ta bayyana fadan da gwamnan jahar Borno, Babagana Umara Zulum aka dauke shi yana yi ma Sojoji a matsayin abin da ka iya kashe ma Sojoji kwarin gwiwa, kuma ya mayar da hannun agogo baya ga nasarar da aka samu da Boko Haram.
A cikin wani bidiyo dake yawo a shafukan sadarwa, an hangi gwamnan yana yi wa Sojoji tsawa tare da zarginsu da karbar cin hancin N1000 daga hannun direbobin dake bin babbar hanyar Maiduguri – Dammaturu.
Cikin wata sanarwa da jami’in yada labarai na Operation Lafiya Dole, Kanal Aminu Iliyasu ya fitar a ranar Talata, ya bayyana cewa abin da gwamnan yake yi zai iya kawo tarnaki ga nasarorin da dakarun rundunar suka samu a yaki da ta’addanci.kamar yadda Muryar Yanci ta rawaito
A cewarshi yana da kyau mu bayyana cewa irin wannan maganganu daga bakunan manyan mutane musamman kamar gwamnan jaha zai iya mayar da hannun agogo baya a yaki da ta’addanci da sauran miyagu a duk fadin kasar nan.
Kakakin ya bayyana cewa sun ga wannan bidiyo, kuma zasu yi bincike a zargin karbar cin hanci da gwamnan ya yi wa Sojoji domin rundunar Sojan kasa ba ta wasa da zargin cin hanci da rashawa saboda runduna ce mai ladabi, tarbiyya da kuma tsari.
Dole Ne Jami’an Tsaro Su Ƙara Ƙaimi A Kan Aikinsu – Tinubu
Shugaban kasar Najeriya Ahmed Bola Tinubu ya ja hankali ga manyan jami’an tsaro ƙasar da su kara himma da dagewa don Samun tabbataccen zaman lafiya a kasar.
Shugaban ya sanar da hakanne yayin ganawarsa da shugabanin hukomomin tsaron kasar karo na farko a fadarsa da ke Abuja.
Yayin ganawarsa da manaima labarai bayan kammala zaman mai bai wa shugaban kasar shawara kan harkokin tsaro yace shugaban sam ba zai lamunci yanayin da kasar take ciki ba.
Bola Tinubu ya ce bai dace kasar ta kara zama koma baya ba lokacin da sauran kasashen duniya ke ci gaba.
Ya kara da cewa wajibi ne a samu hadin kai tsakanin dukkanin sauran bangarorin tsaro ta fuskar tsaro.
Babban bankin Najeriya (CBN) Ya musanta wata sanar wa da ta fita kan cewa darajar Naira ta karye a hukumance.
Hakan ya fito ne ta bakin Mukaddashin Daraktan bankin Abdulmuminu,
Abdulmuminu, yace ko a jiya Laraba an siyar da dala ɗaya a kan naira 465.
Ya kuma kara da cewa Rahoton da ya fita kan sanarwar karyewar darajar Naira ba gaskiya ba ne.
Bankin ya shawarci Mutane da su yi watsi da Rahoton da su ka ji kan karyewar darajar Nairar.
Hukumar kiyaye hadurraya kasa FRSC ta ba bayyana cewa mutane takwas ne suka rasu bayan da wani hatsari ya auku a jihar Bauchi.
Kamar yadda hukumar ta kiyaye hadurra ta bayyana ta ce hatsarin ya faru ne akan babbar hanyar Darazo zuwa Bauchi ajiya Laraba 31 ga watan mayu.
Ta ce hatsarin ya faru da misalin karfe 1:43 na rana inda bayan haduwar motar kirar Hilux da kuma wata motar daukar fasinja Golf.
Sannan hatsarin ya rutsa da mutane 14 mata bakwai maza bakwai inda maza hudu suka rasu da mata hudu ciki harda yara kanana.
Sannan akwai wadanda suka Samu raunuka a jiki.
Sai dai kamar yadda hukumar ta kiyaye hadurra ta bayyana ta ce ta mika sauran masu rauni izuwa asibitin Darazo.
A ko da yaushe hukumar kiyaye hadurran ta na bayyana cewa direbobi su guji gudun wuce kima duba da yanayin damina ne a yanzu.
-
Al'ada4 years agoFahimta ta a kan matsalar aure a ƙasar Hausa
-
Labaran ƙetare4 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Mu shaƙata4 months agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labarai4 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Bidiyo3 years agoWanene Halilu Ahmad Getso? Ƴar cikin Gida
-
Addini3 years agoLokutan da ake saurin karɓar addu’a
-
Labarai2 months agoAkwai Jihohi Goma Da Zaɓen Gwamna Bai Kammala Ba A Najeriya Ko Har Da Kano?
-
Labarai1 year agoDa Ɗumi-Ɗumi A Na zargin Bam Ya Tashi a Unguwar Sabon Gari A Kano Yanzu