Connect with us

Labaran jiha

Ganduje yayi Alkawarin Ganawa Da Dangote/BUA kan hauhawar farashin kayan abinci

Published

on

Gwamnan jihar kano Dr Abdullahi Umar Ganduje ya gana da Yan kasuwa kan hauhawar farashin kayan abinci Musamman a wannan wata na Ramadan.

Gwamnan ya gana da Yan kasuwan ne a dakin taro na gidan gwamnatin jihar, a yammacin ranar laraba.
.
cikin sanarwa da babban sakataren yada labarai na gwamman Abba Anwar ya fitar ya rabawa manema labarai.

Sanarwar tace gwamna Abdullahi Umar Ganduje ya saurari korafe korafen Yan kasuwa kan irin halin da ake ciki na zaman gida don gudun yaduwar Annobar Corona Virus.

Haka zalika gwamnan yayi Alkawarin Ganawa Da Shugabanin rukunin Kamfanoni Dangote Alhaji Aliko Dangote da takwaransa Abdussamad Isyaka Rabi’u mai Kamfanin BUA don ganin yadda za’a shawo kan matsalar hauhawar farashin kayan abinci Musamman a wannan lokaci na azumi.

Ganduje yayi Alkawarin sanar da Yan kasuwan duk yadda suka tattauna da masu Kamfanonin.

Click to comment

Leave a Reply

Labaran jiha

An Sanya Wuta A Fadar Sarkin Kano

Published

on

Wasu rahotanni sun bayyana cewa wasu da ba a san ko suwaye ba sun cinna wa fadar Sarkin Kano Sarki Muhammadu Sanusi II wuta.

Wata majiya daga fadar ta bayyana cewa lamarin ya faru ne a dare ranar Juma’a da misalin karfe 11 na dare.

Majiyar ta bayyana cewa wutar ta haifar da konewar gurin da sarki ke zama domin gudanar da zaman fada a dukkan ranar Litini.

Majiyar ta kara da cewa kofar Kudu da aka sanywa wutar tana da kofa ciki da waje, inda aka balle makullin ƙofar tare sanya wuta daga bisa kuma suka rufe.

Acewarta wutar ta kone karagar sarkin da  na’urar sanyaya daki wata Asi da kuma sauran kayayyakin da ke cikin dakin.

Sai dai da aka nemi jinta bakin mai magana da yawun Hukumar Kashe Gobara na Kano, Saminu Yusif Abdullahi dangane da faruwar lamarin, ya bayyana cewa ba su da rahotan kan lamarin sakamakon ba su samu kiran waya dangane da lamarin.

Anashi bangaren Shugaban Ma’aikatan Fadar Sarkin Munir Sanusi Bayero Dan Buram Kano ya tabbatar da faruwar lamarin ta cikin wata sanarwa da ya fitar.

A sanarwar da Munir din ya fitar, ya ce da safiyar yau Asabar 13 ga watan Yuli 2024 wutar ta tashi a kotun Sarki da ke kofar Kudu a Jihar.

Munir Sanusi ya ce babu wanda ya jikkata kuma barnar da wutar ta yi babu yawa.ya ce ya zuwa yanzu ana ci gaba da gudanar da binciken domin gano dalilin tashin gobarar tare da daukar mataki akai.

Continue Reading

Labaran jiha

Hukumar Hisba A Kano Ta Kori Daya Daga Cikin Kwamandojin Ta

Published

on

Hukumar Hisbah ta jihar Kano ta kori daya daga cikin kwamandojin ta, tare da binciken wasu mutane biyar bisa laifin kawo cikas a yaki da lalata da zamantakewa a jihar.

Shugaban hukumar Sheik Aminu Ibrahim Daurawa ya ce an samu kwamandan da aka kora da aikata rashin da’a, yayin da ake ci gaba da binciken sauran wasu mutane biyar.

Ya bayyana cewa jami’in da aka kora ya saba hada kai da mugayen mutane don tafka munanan ayyuka a jihar.

Ya ce, sun kori Mataimakin Sufeto na Hisbah (DSH) tare da bayyana cewa ana neman sa, duk inda aka same shi a kama shi a gurfanar da shi a gaban kuliya.

A cewar sa ya kan hada kai da masu gudanar da otal din don kada hukumar Hisbah ta mamaye otal din nasu a yayin gudanar da ayyukanta.

Daurawa ya kuma musanta zargin cewa jami’anta sun aske gashin wani da ba dan asalin jihar ba da kwalba bayan sun kai farmaki gidan mata masu zaman kansu a jihar.

Wani mai amfani da kafar sadarwa ta Facebook ne ya yi wannan zargin, amma Daurawa ya yi watsi da batun wanda ya alakanta a matsayin masu tada zaune tsaye.

Continue Reading

Labaran jiha

Gwamnatin Tinubu Ta Maida Hankali Ne Kan Abubuwan Da Suka Addabi Kasar-Remi Tinubu

Published

on

Mai dakin shugaban kasa Bola Tinubu Remi Tinubu ta bayyana cewa gwamnatin shugaba Bola Tinubu ta mayar da hankali ne akan gyaran matsalolin da suka addabi Kasar.

Remi ta bayyana haka ne a yayin da ta halarci coci domin yin addu’o’i da kuma bikin cikar Kasar shekaru 63 da samun ‘yancin kai a ranar Lahadi.

Uwar gidan shugaban ta ce mai gidan ta ya tarar da tarin matsaloli masu yawa daga gwamnatin da ya gada.

Remi ta kara da cewa duk da tarin matsalolin da mai gidan ta ya gada, ya kuduri aniyar shawo kan matsalolin da kasar ke fuskanta.

Kazalika ta ce Tinubu zai yi kokari wajen ganin ya gyara dukkan kurakuran da ya tarar a cikin kasar.

Sannan ta ce nan ba da jimawa ba ‘yan Kasar za su dawo cikin walwala da jindadi daga cikin halin matsin da suka tsinci kansu.

Continue Reading

Talla

Trending

%d bloggers like this: