Connect with us

Labaran jiha

mutane 5 sun mutu a jihar kano da Cutar COVID 19

Published

on

Ma’aikatar lafiyar Kano ta sanar da mutuwar karin mutane biyar da suka kamu da cutar coronavirus a jihar, bayan an sallami mutane 3 da suka warke daga cutar.

A daren ranar laraba hukumar yaki da yaduwar cutuka ta Najeriya NCDC ta sanar da mutuwar mutane 5 a dalilin annobar ba tare da bayyana jihar da suka mutu ba.

Cikin sanarwar da ta fitar da safiyar yau alhamis, ma’aikatar lafiyar Kano ta ce ya zuwa yanzu, jimillar mutane 427 ne suka kamu da cutar coronavirus a jihar, 13 daga cikinsu sun mutu, yayinda 6 suka warke.

Sai dai a nata bangare, kungiyar ma’aikatan jinya na Nas a turance da kuma Ungozoma ta Najeriya reshen Kano, tace yanzu haka ‘ya’yanta 18 ne gwaji ya tabbatar sun kamu da cutar ta coronavirus.

Rfi hausa sun rawaito cewa Kafin sanarwar kungiyar ma’aikatan jinyar, kungiyar likitocin Najeriya ce reshen jihar ta Kano, ta bayyana kamuwar likitoci akalla 34 ad cutar ta coronavirus

Rfi hausa.

Click to comment

Leave a Reply

Labaran jiha

An Sanya Wuta A Fadar Sarkin Kano

Published

on

Wasu rahotanni sun bayyana cewa wasu da ba a san ko suwaye ba sun cinna wa fadar Sarkin Kano Sarki Muhammadu Sanusi II wuta.

Wata majiya daga fadar ta bayyana cewa lamarin ya faru ne a dare ranar Juma’a da misalin karfe 11 na dare.

Majiyar ta bayyana cewa wutar ta haifar da konewar gurin da sarki ke zama domin gudanar da zaman fada a dukkan ranar Litini.

Majiyar ta kara da cewa kofar Kudu da aka sanywa wutar tana da kofa ciki da waje, inda aka balle makullin ƙofar tare sanya wuta daga bisa kuma suka rufe.

Acewarta wutar ta kone karagar sarkin da  na’urar sanyaya daki wata Asi da kuma sauran kayayyakin da ke cikin dakin.

Sai dai da aka nemi jinta bakin mai magana da yawun Hukumar Kashe Gobara na Kano, Saminu Yusif Abdullahi dangane da faruwar lamarin, ya bayyana cewa ba su da rahotan kan lamarin sakamakon ba su samu kiran waya dangane da lamarin.

Anashi bangaren Shugaban Ma’aikatan Fadar Sarkin Munir Sanusi Bayero Dan Buram Kano ya tabbatar da faruwar lamarin ta cikin wata sanarwa da ya fitar.

A sanarwar da Munir din ya fitar, ya ce da safiyar yau Asabar 13 ga watan Yuli 2024 wutar ta tashi a kotun Sarki da ke kofar Kudu a Jihar.

Munir Sanusi ya ce babu wanda ya jikkata kuma barnar da wutar ta yi babu yawa.ya ce ya zuwa yanzu ana ci gaba da gudanar da binciken domin gano dalilin tashin gobarar tare da daukar mataki akai.

Continue Reading

Labaran jiha

Hukumar Hisba A Kano Ta Kori Daya Daga Cikin Kwamandojin Ta

Published

on

Hukumar Hisbah ta jihar Kano ta kori daya daga cikin kwamandojin ta, tare da binciken wasu mutane biyar bisa laifin kawo cikas a yaki da lalata da zamantakewa a jihar.

Shugaban hukumar Sheik Aminu Ibrahim Daurawa ya ce an samu kwamandan da aka kora da aikata rashin da’a, yayin da ake ci gaba da binciken sauran wasu mutane biyar.

Ya bayyana cewa jami’in da aka kora ya saba hada kai da mugayen mutane don tafka munanan ayyuka a jihar.

Ya ce, sun kori Mataimakin Sufeto na Hisbah (DSH) tare da bayyana cewa ana neman sa, duk inda aka same shi a kama shi a gurfanar da shi a gaban kuliya.

A cewar sa ya kan hada kai da masu gudanar da otal din don kada hukumar Hisbah ta mamaye otal din nasu a yayin gudanar da ayyukanta.

Daurawa ya kuma musanta zargin cewa jami’anta sun aske gashin wani da ba dan asalin jihar ba da kwalba bayan sun kai farmaki gidan mata masu zaman kansu a jihar.

Wani mai amfani da kafar sadarwa ta Facebook ne ya yi wannan zargin, amma Daurawa ya yi watsi da batun wanda ya alakanta a matsayin masu tada zaune tsaye.

Continue Reading

Labaran jiha

Gwamnatin Tinubu Ta Maida Hankali Ne Kan Abubuwan Da Suka Addabi Kasar-Remi Tinubu

Published

on

Mai dakin shugaban kasa Bola Tinubu Remi Tinubu ta bayyana cewa gwamnatin shugaba Bola Tinubu ta mayar da hankali ne akan gyaran matsalolin da suka addabi Kasar.

Remi ta bayyana haka ne a yayin da ta halarci coci domin yin addu’o’i da kuma bikin cikar Kasar shekaru 63 da samun ‘yancin kai a ranar Lahadi.

Uwar gidan shugaban ta ce mai gidan ta ya tarar da tarin matsaloli masu yawa daga gwamnatin da ya gada.

Remi ta kara da cewa duk da tarin matsalolin da mai gidan ta ya gada, ya kuduri aniyar shawo kan matsalolin da kasar ke fuskanta.

Kazalika ta ce Tinubu zai yi kokari wajen ganin ya gyara dukkan kurakuran da ya tarar a cikin kasar.

Sannan ta ce nan ba da jimawa ba ‘yan Kasar za su dawo cikin walwala da jindadi daga cikin halin matsin da suka tsinci kansu.

Continue Reading

Talla

Trending

%d bloggers like this: