Connect with us

Labarai

Masarautar Kano Ta Soke Bikin Hawan Sallah Na Bana

Published

on

Masarautar Kano ta soke hawan babbar sallah a bana.

An soke bikin hawan sallar ne don bin shawarar gwamnatin tarayya a kan soke bikin don hana yaduwar cutar Korona

Madakin Kano Alhaji Yusif Nabahani ne ya bayyana hakan yau Litinin.

Ya ce sarkin Kano ALhaji Aminu Ado Bayero ya umrce shi da ya sanar da soke bikin hawan salla a bana saboda fargabar yaɗuwar cutar Korona.

Hakan ya biyo bayan kiran da gwamnatin tarayya ta yin a soke hawan salla saboda fargabar yaduwar cutar Korona.

Daga cikin jihohin da aka buƙaci su janye bikin salla a bana akwai jihar Kano, sai Jihar Legas, da jihar Kaduna ,Plateau, sai jihar oyo, da Rivers.

Bikin hawan salla al’ada ce da ake yi sau biyu a duk shekara, yayin bikin ƙaramar sallah da kuma babbar sallar, sai wasu jihohin da ke ƙara wa a watan mauludi wanda su ke yin sallar Gani.

Click to comment

Leave a Reply

Labarai

Gwamnatin Tarayya Ta Ayya Ranakun Hutun Babbar Sallah

Published

on

Gwamnatin tarayya a Najeriya ta ayyana ranakun Litinin da Talata a matsayin ranakun hutun babbar sallah.

 

Hakan ma ƙunshe ne a wata sanarwa da ma’aikatar harkokin cikin gida ta fitar a yau Juma’a.

 

Sanarwar wadda Dakta Aishetu Ndayako sakatariyar din din din a ma’aikatar ta sanayawa hannu.

 

Ministan harkokin cikin gida Tunji Ojo ya buƙaci al’ummar musulmi da su kasance masu sadaukarwa tare da koyi da fiyayyen halitta Annabi Muhammad Sallallahu alaihi Wasallam.

 

Ministan ya ce shugaba Bola Ahmed Tinubu na aiki tukuru wajen ganin ya tsare rayuwa da lafiya da dukiyoyin al’ummar ƙasar.

 

Sannan ya buƙaci al’umma da su bayar da haɗin kai wajen ci gaban ƙasar ta yadda za a samu nasara a abubuwan da ya sa a gaba.

 

Rahotanni sun nuna cewar shugaban zai yi bikin salalrsa a jihar Legas.

Continue Reading

Labarai

Tawagar Shugaban Maniyyatan Jihar Kano Ta Isa Saudiyya

Published

on

Shugaban tawagar Alhazan Jihar Kano ya isa kasa mai tsarki domin jagoranta aikin Hajjin bana a Kasar Saudiyya.

 

Bisa managartan shirye-shirye da aiki tukuru kimanin maniyyata 3,110 ne daga jihar Kano ake sa ran zasu gabatar da aikin hajji a kasar Saudiyya.

 

Mataimakin Gwamnan Jihar Kano Kwamared Aminu Abdulsalam Gwarzo wanda shine Amirul Hajj na Kano tare da wasu daga cikin mukarraban Gwamnati da suka hada da shugaban hukumar Alhazan Jihar Alhaji Lamin Rabi’u Danbaffa da Shugaban majalisar dokokin Jihar Kano Hon Jibril Ismail Falgore da sauransu.

 

Ibrahim Garba wanda shine wanda yake jagorantar yan jaridu kuma mai magana da yawun mataimaki Gwamna jihar kano ya ce gwamnatin jihar za ta tabbatar da maniyyatan sun samu wayewa domin gabatar da hajji karbabbiya.

 

Ibrahim ya kara da cewa tawagar ta samu isa kasa mai tsarki ne ta kamfanin jirgin sama na Max Air daga filin jirgin sama na Malam Aminu Kano a ranar Asabar din nan tare da wasu daga cikin ma’aikata da sauran mutane da Gwamna Abba Kabir Yusuf ya bayar da damar suje domin taimakawa musu.

 

Ibrahim Garba Shu’aibu ya ce bayan zuwan maniyyatan sun samu tagomashin samun masauki mai kyau da abinci.

 

Daga karshe ya ce gwamnatin ta shirya ma’aikatan lafiya domin kula da lafiyar maniyyatan a Kasar ta Saudiyya.

Continue Reading

Labarai

Gwamnan Bauchi Ya Sauke Shugaban Ƙaramar Hukuma Da Mataimakinsa

Published

on

Gwamnan Jihar Bauchi Bala Mohammed ya dakatar da shugaban karamar hukumar Alkaleri na rikon kwarya Hon Bala Ibrahim daga bakin aiki.

Gwamnan ya tsige shugaban karamar hukumar ne tare da mataimakinsa kan dalilan da ba a bayyana ba.

Gwamnan ya tsige shugaban karamar hukumar da mataimakin na shine ta cikin wata wasikar kora mai dauke da sa hannun sakataren gwamnatin Jihar Ibrahim Kashim Muhammad ya fitar.

Wasikar ta umarci kantoman da mataimakinsa da su gaggauta mika harkokin shugabancin karamar hukumar ga shugaban sashin gudanarwa na karamar hukumar.

Wasikar mai dauke da kwanan watan 6 ga watan Yuni 2024 na dauke da sallamar da aka yiwa shugabannin.

Bayan fitar da takardar sakataren ya aike da ita ga babban sakatare na ma’aikatar kananan hukumomi da masarautu na Jihar.
Sakataren ya korar ta fara aiki ne nan take.

 

 

 

 

Continue Reading

Talla

Trending

%d bloggers like this: