Labarai

Yadda Ta Kaya A Zaman Kotu Na Yau A Kan Shari’ar Da Ake Yi Wa Abduljabbar

Published

2 years ago

February 3, 2022

Mujallar Matashiya

Daga Amina Tahir Muhammad

Gwamnatin Kano ce dai ta yi ƙarar Abduljabbar Kabara a gaban kotu bisa zargin kalaman da za su iya tayar da fitina da kuma yin ɓatanci ga fiyayyen halitta Annabi Muhammad S.A.W.

Wata kotun shari’ar musulunci da ke Ƙofar Kudu ƙarƙashin jagorancin Ibrahim Sarki Yola, ta umarci shaida na farko da ya gurfana a gabanta a ranar 17 ga Fabrairu, 2022 dangane da shari’ar Abduljabbar Nasiru Kabara.

Ana zargin Abduljabbar Kabara da yin saɓo da tunzura jama’a kamar yadda gwamnatin jihar Kano ta bayyana wa kotu.

Lauyan da ke kare Abduljabbar, ƙarƙashin jagorancin Ambali Obomeileh Muhammad SAN, ya buƙaci a dawo da shaida na farko da ya sake gurfana a gaban kotu domin yi masa tambayoyi.

Lauyan masu shigar da kara, karkashin jagorancin Barista Sa’ida Suraj SAN, ya ƙi amincewa da buƙatar, inda ya buƙaci kotun da ta janye bukatar.

“An ba su isasshen lokaci akalla makonni 4 don shiryawa a cewar lauyan gwamnati.

Sai dai alkali ya amince da buƙatar da su ka roƙa na sake gabatar da shaida na farko a gaban kotun.

An dage sauraron karar zuwa ranar 17 ga watan Fabrairu da mu ke ciki.

Ana tuhumar Abduljabbar da tuhume-tuhume guda hudu da suka shafi zagi da yin kalaman batanci ga Annabi Muhammad (SAW) a lokacin karantarwarsa, wadanda suka saɓawa sashe na 382 (b) na dokar shari’ar musulunci ta jihar Kano da aka samar a shekarar 2000.

Labarai

Zagon Kasan Da Kwankwaso Ya Yi Wa Jam’iyyar NNPP Ya Sa Ba Muyi Nasara A Kotuba- Alhaji Abbas

Published

3 hours ago

September 21, 2023

Amina Muhammad

Babban jigo a jam’iyyar NNPP, Alhaji Abbas Onilewura ya zargi dan takarar shugaban kasa a jam’iyyar, Rabiu Kwankwaso kan rasa nasarar jam’iyyar a jihar Kano.

A jiya Laraba 20 ga watan Satumba kotun ta yanke hukunci inda ta tsige Gwamna Abba Kabir na jam’iyyar a matsayin gwamna.

Kotun kuma ta tabbatar da Nasiru Gawuna na jam’iyyar APC a matsayin wanda ya lashe zaben.

Yayin da ya ke martani kan hukuncin, Abbas ya ce Kwankwaso ya siyar da jam’iyyar lokacin da ya ke tattaunawa da APC kan mukamin minista a Abuja.

Onilewura ya bayyana haka ne a yau Alhamis 21 ga watan Satumba a cikin wata sanarwa da ya fitar.

Ya ce zagon kasa da Kwankwaso ya yi wa jam’iyyar ce ya jawo rashin nasararta a hukuncin kotun da aka yanke a jiya.

Ya kara da cewa Wannan rashin nasara babbar asara ce a jam’iyyar mu kuma hakan ya faru ne saboda son rai na Kwankwaso wanda ya siyar da jam’iyyar.

Labarai

Gwamnatin Delta Ta Amince Da Rage Kaso 25 Na Kudin Jami’a A Jihar

Published

17 hours ago

September 20, 2023

Amina Muhammad

Gwamnatin jihar Delta ta amince da rage kashi 25 na kudin makarantar daliban jami’a a jihar.

Wannan dai wani bangare ne na tallafin da gwamnatin za ta bai wa daliban kuma ya shafi jami’a hudu mallakin jihar.

Hakan na kunshe a wata sanarwa da babban sakataren yada labaran gwamnan Festus Ahon ya sanyawa hannu ranar Laraba.

Sanarwar ta ce gwamnan ya bayar da umarnin bai wa ma’aikatan jihar tallafin naira dubu goma kowanne tsawon watanni uku.

Sannan an amince da kashe naira biliyan 5.522 ga ma’aikata 50,196 a matsayinalawus da aka yi musu karin matsayi.

Sannan gwamnatin za ta kashe naira biliyan goma wajen raba buhun shinkafa 17,000 da sama da buhu masara 60,000 ga marasa karfi.

Labarai

Cibiyar Kare Hakkin Yan Jaridu Ta Yi Allah-Wadai Da Cin Zarafin Yan Jarida A Kano

Published

17 hours ago

September 20, 2023

Amina Muhammad

Cibiyar kare hakkin yan jarida ta duniya ta yi Alla wadai da cin zarafin yan jarida da wasu yan sanda su ka yi a Kano yau Laraba.

Salim Umar na jaridar Daily Trust da Zahradden Lawal na jaridar BBC an ci zarafinsu tare da lalata layan aikinsu yayin da us ke bakin aiki.

Babban jami’in kare hakkin yan jarida na duniya Melody Akunjiyan ne ya bayyana haka a wata sanarwa da ya aikewa manema labarai a yau.

Cibiyar ta ce abin takaici ne ganin yadda yan sandan su ka nuna rashin kwarewa ta hanyar cin zarafin yan jaridan yayin da su ke bakin aiki.

Cibiyar ta bukaci hukumar yan sanda ta kasa da su kula tare da kiyayewa a gaba wajen cin zarafin yan jarida musamman idan aiki ya hadasu da jami’an yan sanda.