Labaran jiha
Wasu ‘Yan Bindiga Sun Hallaka Mutane Shida A Jihar Kogi
Wasu ‘yan bindiga sun hallaka mutane shida tare da yin garkuwa da ma’aikata uku a lokacin da su ka kai hari wani kamfanin sarrafa tasa da ke garin Ajaokuta da ke Jihar Kogi.
Wata majiya daga Jihar ta bayyana cewa ‘yan bindigan sun kutsa kai cikin kamfanin ne da misalin karfe bakwai na daren Jiya juma’a inda zuwan su ke da wuya su ka hallaka ma’aikata hudu da ke cikin mota.
Shima wani daga Jihar wanda lamarin ya faru akan idonsa ya bayyana cewa maharan sun shiga yankin a cikin wasu motoci guda biyu inda su ka farwa ma’aikatan kamfanin.
Daga cikin wadanda ‘yan bindigan su ka hallaka ciki harda ‘yan sanda biyu a lokacin da su ka yi musayar wuta da maharan.
Ya ƙara da cewa yayin da ‘yan bindigan su ka kai hari a lokacin ne ma ‘aikatan su ke nufin tafiya masaukin su.
Kwamishinan yada labaran gwamnatin Jihar ya bayyana cewa gwamnatin ta yi allah wa-dai da harin ‘yan bindigan.
Kwamishinan ya kara da cewa gwamnatin za ta jajirce domin ta kubtar da wadanda aka yi garkuwa da su tare da kamo wadanda su ka yi aika-aikar.
Mai magana da yawun rundunar ‘yan sandan Jihar ya ce rundunar ta fara gudanar da bincike akan lamarin tare da ƙoƙarin kuɓutar da mutanen.
Gwamnatin jihar Kano ta soke komawar ɗalibai makaranta ranar Litinin.
Hakan na kunshe a wani sakon murya da kwamishinan ilimi a jihar Umar Haruna Doguwa ya sanar.
Ya ce an dakatar da komawa makarantar ne saboda wasu abubuwa dasu ka taso.
Sannan ya ce za a sanar da ranar komawa nan gaba kaɗan.
Kwamishinan ya bai wa iyaye hakuri dangane da jinkirin da aka samu.
Mutane 20 ake fargabar sun mutu yayin da mutane 3,000 su ka rasa muhallinsu a jihar Yobe.
Shugaban ƙaramar hukumar Bade Babagana Ibrahim ne ya bayyana haka ya ce lamarin ya faru sakamakon ruwan kamar da bakin ƙwarya.
Ya ce gwamnatin na ƙoƙarin samar da kayayyakin agaj kamar abinci, magunguna, da taftataccen ruwan sha don kare su daga kamuwa daga cutuka.
Sai dai ya ce akwai buƙatar agajin gwamnatin tarayya duba ga yawan masu gudun hijirar.
Shugaban ya ce makonni biyu kenan aka shafe ana samun ruwan sama wanda ya yi sanadiyyar ambaliya.
Lamarin ya shafi Gashua tare da umartar mutanen da ke rayuwa a wuraren da ambaliyar na iya shafa da su kauce tare da barin gidajensu.
Labaran jiha
Bayan Ɓarkewar Zanga-zangar Kan Tsadar Man Fetur Gwamnan Jihar Kwara Ya Bayar Da Umarnin Fito Da Manyan Motoci Da Ɗaukar Mutane Kyauta
Gwamnan jihar Kwara Abdurrahman Abdurrazak ya bayar da umarnin fitar da motoci a kwaryar birnin jihar don saukaka harkar sufuri.
Gwamnan ya bayar da umarnin ne bayan da jama’a ke kokawa danane da tashin farashin man fetur a ƙasar.
Babban sakataren yaɗa labaransa Rafiu Ajakaye ne ya bayyana haka a wata sanarwa da ya fitar.
Sanarwar ta ce za a ɗauki mutane zuwa manyan wurare kyauta
Wannan dai na zuwa ne yayin da masu ababen hawa su ka tafi yajin aiki sanadin ƙarin farashin mai wanda hakan y sa fasinjoji su ka yi cirko cirko a tituna.
Gwamnan ya bai wa jama’ar jihar hakuri dangane da halin da ake ciki na tsadar man fetur.
-
Labarai8 months agoMafi Karancin Sadaki A Najeriya Ya Koma Dubu 99,241
-
Mu shaƙata2 years agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada5 years agoFahimta ta a kan matsalar aure a ƙasar Hausa
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya6 years agoMenene Genotype ? Amfanin yinsa kafin Aure – Mujallar Matashiya
-
Mata adon gari5 years agoSinadarin gyaran gashi – Adon Gari