Shugaban kasa Muhammadu Buhari ya dawo Najeriya, bayan da ya je duba lafiyarsa na yau da kullum a birnin Landan na kasar Birtaniya.
Babban mataimaki na musamman ga shugaban kasa Muhammadu Buhari kan harkokin yada labarai da wayar da kan jama’a, Malam Garba Shehu ne ya bayyana hakan a wani sako da ya wallafa a shafinsa na Twitter a yammacin Lahadi.
Buhari ya bar kasar ne a ranar 31 ga watan Oktoba.
Mai magana da yawun shugaban kasar, Femi Adesina ya bayyana cewa Buhari zai dawo a mako na biyu na watan Nuwamba.
Daya daga cikin muhimman abubuwan da Buhari ya yi a kasar Birtaniya shi ne ganawarsa da Sarki Charles a fadar Buckingham.
Shugaban ya bayyana hakan ne yayin ganawarsa da Sarki Charles III a fadar Buckingham da ke kasar Birtaniya, kamar yadda BBC Hausa ta ruwaito.
A wata zantawa da manema labarai bayan ganawar da sarkin mai shekaru 73 da haihuwa, Buhari ya ce sarkin ya tambaye shi ko yana da wani gida na kashin kansa a kasar Birtaniya, sai ya mayar da martani.
Buhari ya ce dalilin ziyarar shi ne domin tattauna dangantakar diflomasiya da kasuwanci tsakanin kasashen biyu.
Ya ce an shirya yin taron ne a Kigali kafin Charles ya zama sarki.
Buhari ya yi amfani da damar wajen taya Sarkin murnar hawansa karagar mulki.