Kun san illar da ke tattare da wayar salula?

Kamar yadda wasu da dama ke ta ammali da wayar salula a jikinsu wanda hakan na da illa ga lafiyarsu, a cikin wayar salula wadda take a kunne matuƙar mutum ya sakata a aljihunsa sannan kayan da ya saka ba su da kauri sosai , kwai wata iska wadda ke fita a cikin wayar wadda kuma ta kan kashe wasu sinadarai da ke inganta garkuwar jikin ɗan     adam.

Mafi yawancin mutane na daɗewa suna amfani da wayar salula al halin fuskar wayar na cikin haske mai yawa, kuma hasken mafi yawa daga cikin wayoyin na da illa wanda yakan rage ganin mutum a hankali, misali ka ɗauki waya da       daddare ka kalli haske na wani lokaci, sai ka kashe wayar kafin       ganinka ya dawo dai dai sai ya ɗauki wani lokaci, wanda da za ka kasance baka kalli wayar ba washe gari za ka ga ganika ya fi na lokacin da ka kalli wayar.

Abu na gaba shi ne     yanayin sadarwar da waya ke yi misali yanar gizo, waya na taka      muhimmiyar rawa wajen ɓata wani abu da yake da matuƙar muhimmanci.

Ba wani abu bane illa lokaci, za ka iske wani yana riƙe da waya a   hannunsa sai ya shafe awanni da dama ba tare da aikata wani abu da zai amfaneshi a duniya da lahira ba.

Wasu ma kan kwana cir cikin dare suna mu amala da wayar salula, wanda kuma wannan baccin da basa yi zai iya taɓa musu kwakwalwa.

Yanar gizo da ma       dandalin sada zumunta da yin abota na kimiyya da fasahar sadarwa, wato social network site a turance.

Malamai da dama sunyi ittifaƙin cewa hatta    karatu baya shiga kwakwalwar mai yawan ta ammali da yanar gizo cikin dare.

Wasu da mujallar Matashiya ta zanta da su sun bayyana cewa sukan yi mu amala da wayar salula ne a kowanne   lokaci har ma sukan ji kansu yana ciwo amma basu san ita ke illata lafiyarsu ba