Connect with us

Lafiya

Da wuya a shawo kan matsalar kiwon lafiya a Najeriya— ministan Lafiya

Published

on

Ministan lafiya, Farfesa Isaac Adewole, ya bayyana rashin jin daɗinsa kan yadda likitoci ƴan Najeriya ke ficewa daga ƙasar suna komawa wasu ƙasashen don neman kuɗi.
Wannan dalili ka iya jawo matsala wajen daƙile matsalar kiwon lafiya a najeriya kasancewar likitoci suna fifita kuɗi sama da aikinsu.

ministan lafiyar Najeriya, Farfesa Isaac, ya bayyana takaicinsa bisa hatsarin da ke cikin ficewa da likitoci ƴan asalin Najeriya suke yi zuwa wasu ƙasashen su yi aiki.
Inda yace wannan lamarin zai kawo naƙasu wajen cigaban samar da kiwon lafiya ingantacce a Najeriya, musamman yara da mata.
Ministan ya bayyana hakan ne ta bakin shugaban asibitin koyarwa ta Alex Ekwueme da ke Abakaliki, Dakta Emeka Onwe, wanda ya wakilici ministan a wajen taron shekara-shekara na kungiyar likitoci ta kasa.
Wannan lamari ba iya likitoci bane ke hanƙoron ficewa daga ƙasa ba don neman kuɗi hatta ɗaiɗaikun mutane kowa burinsa ya samu damar da zai fice daga Najeriya don neman arziki, duk da ɗumbin Arzikin da najeriya take dashi.

Click to comment

Leave a Reply

Labarai

Buhari Ya Sake Roƙo ASUU Su Janye Yajin Aiki

Published

on

Yayin da kungiyar malaman jami’o’i suka shafe akalla watanni bakwai suna yajin aiki shugaba kasar Najeriya Muhammadu Buhari ya bukaci su hakura su janye .

Rahoton da aka samo ya bayyana cewa, Buhari ya bayyana hakan ne a taron bikin karrama Alhaji Muhammadu Indimi, shugaban kamfanin Oriental Energy Resources Ltd a birnin Maiduguri na jihar Borno.

An gudanar da wannan babban taro ne a cikin jami’ar Maiduguri, daya daga cikin manyan makarantun Najeriya da ke garkame sakamakon yajin da ASUU keyi.

Shugaban ya samu wakilcin shugaban ma’aikatansa Alhaji Ibrahim Gambari, wanda ya zanta kan batutuwa da yawa da suka shafi ilimi a Najeriya.

Da yake tuna batun ASUU tare da yin tsokaci a kai, Gambari ya isar da sakon Buhari da cewa

Yana da kyau su ce wani abu game da wannan yajin aikin na ASUU saboda suna karrama Alhaji Indimi wanda aka shirya wa gagarumin biki a yau domin ci gaban ilimi mai inganci da ya kawo ba a kasar nan kadai ba.

A kan haka, yana so ya isar da kiran shugaban kasa Muhammadu Buhari game da ASUU da ta janye yajin aikin da take yi, ta koma aiki.

Abangare guda, Buhari ya ce tuni tattaunawa tsakanin ASUU da gwamnati akeyi, amma duk da haka kungiyar ta ci gaba da bude makarantu.

Ya kuma koka da cewa, bai dace ASUU su ci gaba da ajiye dalibai a gida ba kasancewar abubuwa sun kasa kankama.

A cewarsa, irin wannan tsawaita wa’adin yaji na dakushe ilimi tare da kawo cikas ga ci gaban mutane.

Continue Reading

Labarai

A Shirye Muke Don Sanya Hannu Ga Makashin Hanifa – Ganduje

Published

on

Gwamnatin jihar Kano ta tabbatar da a shirin da take domin ganin ta yi adalci ga malamin makarantar nan, Abdulmalik Tanko da aka yankewa hukuncin kisa.

Jaridar The Guardian ta nuna Gwamnan Kano, Abdullahi Umar Ganduje a shirye yake domin ganin an tabbatar da adalci ga masu laifin kisan.

Babban lauyan gwamnatin Kano, Musa Lawan ya bayyana cewa wasu suna tunanin ba za a hukunta wadanda aka samu da laifin kashe Hanifa ba.

A watannin baya ake zargin wasu mutane da laifin hallaka karamar yarinya mai shekara 5. A watan Yuli ne aka tabbatar masu da laifinsu.

A ranar Alhamis, Musa Lawan ya shaidawa mutanen Kano cewa wadanda aka yankewa hukunci za su dandana kudarsu.

Kwamishinan shari’a yake cewa hukumar gidan gyaran hali za ta bayar da shaidar tabbatar da hukunci, wanda zai fito bayan wa’adin daukaka kara.

Akwai kwanaki 90 da doka ta ba wadanda ake kara da nufin su daukaka shari’a idan ba su gamsu da hukuncin da Alkalin kotun tarayya ya zantar ba.

Idan ba a daukaka kara ba, gwamna zai sa hannu, idan kuwa an koma kotu, za a saurari shari’a.

Continue Reading

Labarai

Lassa Ta Hallaka Mutane 158 A Najeriya

Published

on

Ɓera

Akalla mutane 158 cutar zazzabin lasa ta hallaka a jihohi 24 a fadin kasa Najeriya cikin watanni shida na shekarar 2022 da mu je ciki.

Hukumar da ke aikin dakile cutuka masu yaduwa a Najeriya NCDC ita ce ta bayyana haka a jiya Litinin.

Ta ce mutanen da cutar ta kama sun fito ne daga kananan hukumomi 99 na kasar.

Sannan cutar tafi kama yan shekaru 21 zuwa 30 har ma zuwa masu shekara 90.

Hukumar ta ce mutane 158 sun mutu sakamakon cutar Lassa wanda hakan ke nuna karuwar cutar.

Sannan yawan waɗanda aka kara samu da cutar a wannan lokaci ya fi hauhawa a Jihohin Ondo Edo da kuma Filato.

Kuma ba a samu wani ma’akacin lafiya ba daya kamu da cutar kamar yadda aka saba samu a baya ba.

Hukumar NCDC ta ce suna nan suna aiki da ma’akatar national fever lassa multi patner domin kawo karshen cutar a kasa baki daya.

Continue Reading

Talla

Trending

%d bloggers like this: