Yan tada kayar baya da masu garkuwa da mutane a jihar zamfara sun bayyana sharudansu ga gwamnati indai ana so su ajiye makamansu.
Kamar yadda kwamishinan yan sandan jihar Usman Nagogo ya bayyana matsayar yan bindigar ne a lokacin da yake tattaunawa da masu ruwa da tsaki a harkar tsaro na jihar zamfara.
Cikin sharudan da yan ta’addar suka gindaya, sunce dole ne a daina kashe fulanin da ake zargi a kasuwanni kauye da wasu jami’an sa kai ke yi a jahar.
Haka zalika sun kuma bukaci a basu damar zuwa kasuwanni ba tare da sun fuskanci tsangwama ba a wurin jami’an tsaro.
A cewar kwamishinan yan sandan wannan sharudan nasu da suka rubuto ya biyo bayan yunkurin da gwamnati take don ganin anyi sulhu da su ka na su ajjiye makamansu.