Connect with us

Labarai

Kwato Hakkokin Matasa shine a gaban mu— KMK

Published

on

Kungiyar matasan Kano kungiya ce da aka kirkireta don gwagwarmayar Kwato wa matasa hakkokinsu da ake danne musu daga wasu Ma’aikatu masu zaman kansu da bankuna, sauran ma’aikatu.

Kungiyar Karkashin Jagorancin kwamared Alhassan Haruna Dambatta dake da Wakilai a Kananan hukumomi 44 na jihar Kano.

A yau ne dai kungiyar ta kaddamar da Taken kungiyar a Karamar Hukumar Dambatta.

Taken da suka yi wa kungiyar Shine (kungiyar Matasan Kano- Gwagwarmaya- Yanci). Wanda Dr Kabiru Sa’id Sufi ya kaddamar A Islamic Center dake Garin Dambatta.

Da yake jawabi shugaban kungiyar Alhassan Haruna Dambatta ya ce Babbar manufar wannan kungiya shine gwagwarmayar Kwato wa matasa hakkokinsu, kuma kungiyar a shirye take wajen shigewa, matasa gaba akan duk wani hakki da aka danne musu ta hanyar da doka ta tanadar.

A cewarsa akwai hakkoki na kamfanunuwa da zasu rika saukewa wajen matasan jiha ko yanki kamar yadda doka ta tanadar amma basa yi.

Ya kara da cewa ragowar jihohin kudancin Kasar nan suna amfana da irin shiryen shiryen da Kamfanunuwa ke yi amma mu arewaci an barmu a baya.

Ya bada misali da bankuna inda yace duk banki da wuya a samu bahaushe Dan Asalin Jihar Kano ko Yan shara ba’a cika dauka ba, to wannan kungiya a shirye take don ganin ana sauke duk wannan nauyi.

Alhassan Haruna ya kuma ce wannan kungiya bata da alaka da siyasa ko bangaranci.
Kungiya ce kawai ta gwagwarmayar Kwato yancin Matasan jihar Kano.

Kuma idan tafiya tayi nisa za’a kafa Rassa a fadin kasar nan dama ketare kasancewar ko ina akwai yan jihar Kano, wayanda ake tauye musu hakkinsu ko muzguna musu musamman a yankin kudancin kasar nan.

Shima anasa Jawabin mai kaddamar da taken kungiya Dr Kabiru Sa’id Sufi ya nuna Farin cikin sa da Samar da wannan kungiya kasancewar irin su aka rasa a Arewacin Najeriya.

Ya kuma yabawa shugabannin irin yadda suke jajircewa da sadaukar da Dukiyoyinsu don ganin wannan kungiya ta zauna da kafarta.

Dr Sufi ya yaba musu matuka kasancewar kungiyar bata da alaka da siyasa ko bangarenci.

kuma a shirye yake wurin bada gudunmmawa a duk lokacin da aka Bukaci hakan daga garesu don dai samawa matasa hanyoyin dogaro da Kai.

Kungiyar ya samu halartar wakilan Kananan hukumomi daga

Dala, Fagge, Nassarwa, Tarauni, Kano Municipal, Dawakin kudu, da sauransu, har dama sauran mambobin kungiya, da suka halarci taron kaddamar da taken.

Click to comment

Leave a Reply

Labarai

Kasar Dubai Ta Cirewa Najeriya Takunkumin Da Ta Sanya Mata

Published

on

Ministan yaɗa labarai a Najeriya Mohammed Idris ya ce ƙasar Dubai ta dage takunkumin da ta kakabawa yan Najeriya.

Ya bayyana haka ne yayin ganawa da yan jarida yau a Abuja.

Ya ce an cimma matsaaya kuma tuni hadaddiyar daular larabawa UAE ta dage haramcin bayar da biza ga yan Najeriya.

Ya ce daga yau Litinin yan Najeriya na iya tafiyar ƙasar ta Dubai.

Duk da cewar ministan bai bayyana cikakken bayani a kan haka ba, amma ya ce kowanne lokaci daga yanzu yan Najeriya na iya tafiya kasar.

Tun a baya dai gwamnatin Najeriya ke ta cuku cuku don ganin an dage haramcin bizar ga yan ƙasar waɗanda aka haramtawa zuwa.

Hadaddiyar daular larabawa dai ta kakabawa yan Najeriya takunkumin hanasu shiga tun a watan Disaamban shekarar 2021.

Dubai ta haramtawa ƴan kasashen Najeriya da Congo shiga kasar.

Continue Reading

Labarai

‘Yan Sanda A Kaduna Sun Haramtawa ‘Yan Shi’a Yin Taro A Jihar

Published

on

Rundunar yan sanda ajihar Kaduna ta haramtawa mabiya mazahabar Shia gudanar da kowanne taro a jihar.

Hakna na kunshe a wata sanarwa da mai magana da yawun yan sandan jihar Mansir Hassan ya saanyawa hannu.

Ya ce rundunar ta haramtawa mabiya mazahabar ta Shia taron Ashura a shekarar da mu ke ciki.

Haka kuma yan sandan sun gargadesu kan su kaucewa yunkurin shirya kowanne irin taro

Sun dauki matakin haka ne ganin yadda aka samu asarar dukiya da raunata wasu har ma da rasa rayuka a tarukan da su ka yi a baya.

Sannan yan sandan sun hana yan Shia gudanar da kowacce irin zanga-zanga da kuma wani gangami da sunan Ashura a bana.

Rundunar ta bukaci jama’a da su ci gaba da gudanar da harkokinsu ba tare da fargaba ba.

Continue Reading

Labarai

Kotu A Kano Ta Hana Aminu Ado Bayero Da Sauran Sarakuna Hudu Bayyana Kansu A Matsayin Sarakunan Kano

Published

on

Babbar kotun jihar Kano ta haramtawa Alhaji Aminu Ado Bayero da sauran sarakunan Gaya, Karaye, Bichi da Rano amsa kansu a matsayin sarakunan Kano

Kotun ƙarƙashin mai shari’a Jusctice Amina Aliyu ta haramta haakan ne a zamanta na yau bayan da gwamnatin jihar Kano da majalisar dokoki ta jihar da shugaban majalisar da ma kwamishinan shari’a su ka shigar da kara a gabanta tun a watan Maris.

Kotun kuma ta umarci sarakunan da su mayar da dukkanin kaya mallakin gwamnatin jihar Kano

Kafin zaman kotun na yau, lauyoyin waɗanda gwamnatin ke ƙara sun bukaci kotun ta dakatar da shari’ar ganin yadda su ka daukaka kara

Sai dai alkaliyar kotun ta ki amincewa da bukatarsu ganin cewar ba ta samu umarni daga kotun daukaka kara ba.

Haka zalika, sun mika rokon soke sabuwar dokar da majalisar dokoki ta jihar Kano ta shigar amma kotun ta ki aminta, a cewar kotun ba a gabatar mata da gamsassun hujjojin da za ta ƙi aminta da sabuwar dokar majalisar ba.

A zaman da kotun ta yi ranar 4 ga watan Yulin da mu ke ciki ne dai lauyoyin da ke kare Alhaji Aminu Ado Bayero a gaban kotun su ka janye daga kare shi a shari’ar.

Gwamnatin jihar Kano ce dai ta shigar daa kara a gaban kotun ta na mai rokon kotun ta hana Alhaji Aminu Ado Bayero, da sarakunan Gaya Karaye Bichi da Rano amsa kansu a matsayin sarakunan Kano.

Tirkatirkar dai ta fara ne tun baya daa majalisar dokoki ta jihar Kano ta soke dokar karin masarautu tare da dawo a tsohuwar dokar da ta dawo da Malam Muhammadu Sanusi ll a matsayin sarkin Kano.

 

 

 

Continue Reading

Talla

Trending

%d bloggers like this: