Labarai
Ganduje na murnar nasarar yaƙar Poliyo a Najeriya da Afrika
Gwamanan jihar Kano Dakta Abdullahi Umar Ganduje ya aike da saƙon taya murna ga ƴan jariya da Afrika a bisa nasarar yaƙar cutar polio a yankin.
cikin wata sanarwa da babban sakataren yaɗa labaran gwamnan Kano Mallam Abba Anwar ya fitar, Ganduje ya ce abin alfahari ne kuma abin jinjina ne ga kwamitin da ke jagorantar yaƙar cutar a Najeriya.
Sanarwar ta ƙara da cewa, Ganduje ya yabawa shugabannin kwamitin da ke kula da aikin yaƙar cutar a jihar Kano, sannan ya yabawa gwamnatin shugaba Buhari a bisa yadda ta jajirce har aka samu nasarar yaƙar cutar.
An bayyana samun nasarar yaƙar cutar Poliyo a Afrika wanda a yanzu ta karɓi takardar shaidar yaƙar cutar a ƙasashen da ke cikinta.
Ko ya za a yi da cutar maleriya da ke tashe a jikin mutanen Najeriya? wannan wani batu ne mai zaman kansa wanda idan hali yayi za mu kawo muku rahoto a kai.
Ƙungiyar malaman jami’a a Najeriya ta ce kashi 50% na ɗaliban da ke karatu na iya ajiyewa saboda tsadar karatu da ake ciki a ƙasar.
Shugaban ƙungiyar Frafesa Emmanuel Osodoke ne ya bayyana haka ya ce nan da shekaru biyu zuwa uku masu zuwa ɗaliban da ke karatu a jami’o’in ƙasar kashi 50% daga ciki na iya ajiye karatun nasu.
A wata hira da aka yi da shugaban a gidan talabiji na Channels ranar Lahadi da daddare, ya gargaɗi ɓangaren ilimi na ƙasar da su farga a kan abinda ka iya faruwa.
Sai dai ya alaƙanta ƙara kuɗin da jami’o’i su ka yi da mafi ƙarancin albashin da ake biya na naira 30,000 a ƙasar.
Sannan ya ce akwai hatsari mai yawan gaske idan aka samu ƙarin matasa masu yawa da su ka bar makaranta.
Idan ba a manta ba, a makon da ya gabata gwamnatin Najeriya ta ce ta ƙarawa malaman jami’a albashi da kashi 30 ga masu matsayin farfesa.
Rahotanni daga baban birnin tarayyar Najeriya Abuja na tabbatar da cewar kotun ƙoli ta kama da wuta.
Ofishin alƙalai uku aka ruwaito sun ƙone bayan tashin gobarar.
Godan jaridar Arise ya ruwaito cewar, wutar ta kama wai ɓangare na cikin kotun.
Sai dai ba a san sanadin tashin gobarar ba.
Wannan dai itace gobara da aka yi a kusa-kusa wadda ta shafi ofishin gwamnati.
Ko a watan Mayun shekarar da mu ke ciki, gobara ta kama a rundunar sojin samar Najeriya.
Yayin da a shekarar da ta gabata ta 2023 ma’aikatar kuɗi ta tarayya wani ɓangare ya kama da wuta.
Ƙasar Amurka ta gargaɗi ƴan ƙasar mazauna Najeriya da su kiyaye wajen ziyartar wasu jihohi da ka iya faɗawa cikin hatsari.
Sanarwar na zuwa ne bayan gudanar da wani bincike da su ka gano an samu ƙaruwar aikata manyan laifuka a jihohin.
Jihohin sun haɗa da Borno, Adamawa, Yobe, Kogi, Bauchi, Kaduna, Kano, Gombe, Bayelsa, Rivers, Enugu da jihar Bayelsa.
Sauran jihohin su ne Imo, SokOto, Zamfara, Katsina, da jihar Abia.
Ƙasar ta gargaɗi mutanenta da su kiyaye wajen ziyartar waɗannan jihohi domin su na iya faɗawa cikin tarkon masu garkuwa da mutane ko wasu miyagun laifuka.
Binciken da su ka yi sun gano cewar masu satar mutane domin neman kuɗin fansa na amfani da ƙarin mutane a wasu sassa domin cimma muradinsu.
Sannan gwamnatin Amurukan ta buƙaci ƴan ƙasar mazauna Najeriya da su ƙara sanya idanu a kan dukkanin zirga-zirgarsu don gudun faɗawa hatsari.
-
Mu shaƙata8 months agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Al'ada4 years agoFahimta ta a kan matsalar aure a ƙasar Hausa
-
Labaran ƙetare4 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Labarai4 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini3 years agoLokutan da ake saurin karɓar addu’a
-
Bidiyo3 years agoWanene Halilu Ahmad Getso? Ƴar cikin Gida
-
Labarai6 months agoAkwai Jihohi Goma Da Zaɓen Gwamna Bai Kammala Ba A Najeriya Ko Har Da Kano?
-
Girke girke5 years agoYADDA AKE LEMON SHINKAFA