Connect with us

Siyasa

Kotun Koli Ta Tabbatar Da Hanga A Matsayin Sanatan Kano Ta Tsakiya

Published

on

Kotun koli ta tabbatar da sanata Rufa’i Sani Hanga a matsayin wanda ya lashe zaben Kano ta Tsakiya a madadin tsohon gwamnan Jihar Kano Sanata Ibrahim Shekarau.

Kotun ta yanke hukuncin ne a ranar Juma’a a hukuncin da alkalai biyar su ka yanke karkashin jagorancin mai shari a Inyang Okoro.

A yayin yanke hukuncin kotun ta umarci hukumar zabe ta kasa INEC da ta maye gurbin sanata Rufa’i Sani Hanga a matsayin wanda ya lashe zaben a jam’iyyar NNPP a madadin malam Ibrahim Shekarau.

Kotun ta kuma tabbatar da halaccin hukuncin da kotun daukaka kara ta tabbatar da Hanga a matayin wanda ya ci zaben wanda aka gudanar a ranar 25 ga watan Fabrairun 2023.

Kotun Kolin ta bayyana cewa INEC ta yi kuskuren rashin cire sunan Malam Ibrahim Shekarau da ta sanya Sunan Hanga a matsayin dan takarar kujerar sanatan Kano ta Tsakiya bayan komawar Malam shekarau din jam’iyyar PDP.

Mai shari’a Emmanuel Agim a takardar hukuncin da ya karanto wacce mai shari’a Uwani Abba-Aji ta rubuta ta yi watsi da sunan Malam Ibrahim Shekarau a matsayin wanda ya lashe zaben.

Kotun ta tabbatar da hukuncin kotunan biyu wanda babbar kotun tarayya da ta daukaka kara da ke Abuja su ka yanke ta tabbatar da Hanga a matsayin dan takarar Jam’iyyar ta NNPP a Kano ta Tsakiya.

Click to comment

Leave a Reply

Siyasa

Jam’iyyar APC Ta Zargi Gwamnatin Kano Da Almundahanar Kuɗaɗe

Published

on

Jam’iyyar APC da gwamnatin jihar Kano sun yi musayar yawu kan zargin wani shiri na karkatar da sama da Naira biliyan Takwas na kuɗin ƙananan hukumomin jihar.

Shugaban jam’iyyar APC na jihar Kano, Abdullahi Abbas, a wata sanarwa da ya fitar ranar Talata a Abuja, ya yi zargin cewa gwamnatin jihar na ƙoƙarin karkatar da naira biliyan 8,080,190,875.13.

A cewarsa rashin tabbas kan abin da zai kasance sakamakon hukuncin da kotun ƙoli ta yanke kan zaɓen gwamnan jihar ya sanya gwamnatin ɗaukar wannan matakin.

Shugaban jam’iyyar APC ya kuma gargadi ƙananan hukumomi da bankunan kasuwanci da su dakatar da shirin fitar da kuɗaɗen.

Jaridar Daily Trust ta ce da yake mayar da martani, kwamishinan yaɗa labarai na jihar Kano, Baba Halilu Dantiye, ya bayyana cewa.

Sannen abu ne cewa gwamnatin jihar Kano a ƙarƙashin ingantaccen shugabancin Injiniya Abba Kabir Yusuf, a cikin watanni bakwai da suka gabata ta yi suna wajen ganin an tabbatar da gaskiya da adalci da amfani da dukiyar al’umma yadda ya dace.

Ya kara da cewa gwamnatin Gwamna Abba Kabir Yusuf ba za ta bari mutanen da ke jin zafi ba domin faɗuwa zaɓe kaɗai ba, amma saboda sun yi asarar hanyoyin satar dukiyar gwamnati su ɗauke mata hankali ba.

Continue Reading

Siyasa

Allah Ya Zaɓa Wa Al’ummar Kano Mafi Alheri A Kotun Ƙoli – Sanata Shekarau

Published

on

Tsohon gwamnan jihar Kano, Ibrahim Shekarau ya tofa albarkacin bakinsa game da shari’ar zaben da ake yi a kotun koli.

A wata zantawa da aka yi da shi, Sanata Ibrahim Shekarau ya ba gwamna Abba Kabir Yusuf da Nasiru Yusuf Gawuna shawara.

Babban ‘dan siyasar ya yi kira ga gwamna mai-ci da Nasiru Yusuf Gawuna da kotu ta ce shi ya lashe zabe da su koma Allah SWT.

Malam Shekarau ya bukaci ‘yan siyasar su roki zabin Ubangiji kuma su karbi duk kaddarar da ta auka masu bayan hukuncin kotu.

Rohoton na zuwa ne a daidai lokacin da ake jiran kotun koli ta yi hukunci karshe a shari’ar zaben gwamnan na jihar Kano.

Tsohon Ministan ilmin ya yi magana a Rumfar Afrika, ya ce abin da ya fi dacewa shi ne ayi addu’ar zabi mafi alheri ga mutanen Kano.

Shekarau wanda ya yi gwamna tsakanin shekarar 2003 da 2011 ya yi wannan addu’ar, sannan ya ce yana fatan APC da NNPP za su yi irin haka.

 

Continue Reading

Siyasa

Muna Da Ƙwarin Guiwar Samun Nasara A Kotun Ƙoli – Abba Kabir Yusuf

Published

on

Gwamnan jihar Kano Injiniya Abba Kabir Yusuf ya bayyana kwarin gwiwarsa a game da hukuncin Kotun Koli.

Abba Kabir ya bayyana haka ne a jiya Lahadi 24 ga watan Disamba a filin wasa na Sani Abacha yayin bikin horas da matasa 2,500 a jihar.

Gwamnan ya yabawa alkalan kan yadda suka dage don ganin sun yi adalci kan shari’ar da ke gabansu.

Ya kuma yi kira ga jama’ar jihar da su kwantar da hankalinsu da kuma kara musu karfin gwiwa kan alkalan kotun.

Abba Kabir ya tabbatar wa magoya bayansa cewa ya na da tabbacin samun nasara a shari’ar da za a yanke.

Wannan na zuwa ne bayan da kotunan baya su ka soke nasararsa.

Gwamnan ya sake daukaka kara zuwa Kotun Koli inda a ranar Alhamis 21 ga watan Disamba ta zauna domin sauraron korafin

Continue Reading

Talla

Trending

%d bloggers like this: