Labarai
Ruwan Sama – Yaro Guda Ya Mutu Gidaje Sama Da 100 Sun Rushe A Gombe
Rahotanni daga jihar Gombe na tabbatar da cewar ambaliyar ruwan sama yayi sanadiyyar rasa rayuwar ƴar shekara uku sannan mai shekara biyu ya jikkata a Gombe.
Lamarin ya faru a garin Bajoga da ke ƙaramar hukumar Funakaye ta jihar Gombe.
Mamakon ruwan da aka yi na fiye da awanni biyar, wanda ya yi sanadiyyar rushewar wani ɗakin da yaran ke bacci a unguwar Fada kusa da fadar sarki.
Tuni aka kai wamda ya jikkata zuwa asibitin koyarwa na jihar domin kula da shi.
Yahaya Haruna ya bayyanawa jaridar Trust cewar an fara ruwan tun ƙarfe 05:30am na safe kuma aka yi shi da yawa har ƙarfe 11:00am na safe.
Ya ce sanadiyyar hakan an yi asarar dukiya mai dumbin yawa yayin da gidaje da dama su ka rushe.
Hukumar bayar da agajin gaggawa ta SEMA ta tabbatar da faruwar lamarin, sai dai ta ce ta na ci gaba da tantancewa domin gano adadin gidajen da su ka ruahe da kuma asarar da aka yi.
A wani bayani da hukumar ta fitar, mai dauke da sa hannun mai magana da yawun hukumar Isma’il Uba, ya ce gwamnan jihar ya bayar da samar da hanyar rage raɗaɗi ga mutanen da iftila’in ya abka musu.
Rundunar ƴan sanda a jihar Ebonyi sun tabbatar da mutuwar wasu fasinjoji biyu sanadin ruftawar wata gada a jihar.
Mai magana da yawun ƴan sanda a jihar Joshua Ukandu ne ya tabbatar da haka a Abakaliki yau Litinin.
Ya ce lamarin ya faru da misakin ƙarfe 10:00am na safiyar yau a ƙauyen Mgbabeluzor da ke ƙaramar hukumar Izzi a jihar.
Ya ce tuni aka kai gawar mutanen babban asibitin Iboko sashen ajiye gawarwaki.
Gadar wadda ake gyaranta ta rufta yayin da ma’aikatan ke kusa da ita.
Sannan mutanen biyu sun mutu ne sakamakon munanan rauni da su ka samu.
Gwamnan jihar Edo Godwin Obaseki ya amince da dara biyan ma’aikatan jihar mafi ƙarancin albashi naira 70,000.
Obaseki ya bayyana haka yau Litinin yayin ƙaddamar da gidan ma’aikata.
Ya ce zai fara biyan mafi karancin albashin daga watan Mayu mai kamawa.
Batun ƙarin albashi na daga cikin dalilai da ya sa kungiyoyin kwadago a Najeriya ke yin zanga-zanga wanda su ka buƙaci a ƙarawa ma’aikata a kowanne mataki.
A baya ƙungiyar ta bukaci a mayar da mafi ƙarancin albashin naira 30,000, sai sai sun bukaci ƙari bayan da aka cire tallafin mai a shekarar 2023.
Sai dai wasu gwamnonin sun nuna ƙin amincewa da haka a baya.
Babbar kotun jihar Kano ta tsayar da ranar yanke hukunci dangane da zargin tsohon gwamnan jihar Abdullahi Ganduje bisa karɓar rashawa.
Kotun ƙarƙashin mai shari’a Usman Malam Na’abba, ta tsayar da ranar 16 ga watan Mayu a matsayin ranar da za ta yanke hukuncin bayan sauraron kowanne bangare.
An shigar da ƙarar tsohon gwamnan Kano Abdullahi Ganduje da matasar da ɗansa kan zargi takwas wanda ciki akwai cin hanci, karkatar da kudaɗe da sauransu.
Baya ga tsohon gwaman, akwai wani kamfani da aka shigar da ƙarar wanda yana daga cikin waɗanda ake ƙara.
Gwamnatin Kano ce ta gurfanar da su a gaban kotu, tare da gabatarwa da kotu shaidu 15 a kan zargin da take musu.
Bayan sauraron ɓangaren masu ƙara da waɗanda ake ƙara, kotun ta tsayar da ranar 16 ga watan Mayu domin yanke hukunci a kai.
-
Labarai3 months agoMafi Karancin Sadaki A Najeriya Ya Koma Dubu 99,241
-
Mu shaƙata1 year agoKun San Ma’anar Kalmar Chiza Dani? Waƙar Da Ke Tashe A Kwanakin Nan?
-
Labaran ƙetare5 years agoWajibi ne duk wani namiji ya Auri mata Biyar ko a ɗaure shi a gidan yari— Sarkin Swaziland
-
Al'ada5 years agoFahimta ta a kan matsalar aure a ƙasar Hausa
-
Labarai5 years agoBa kwaya ƴan sandan kano suka kama ba, babu sinadarin maye a cikin maganin – NAFDAC
-
Addini4 years agoLokutan da ake saurin karɓar addu’a
-
Lafiya5 years agoMenene Genotype ? Amfanin yinsa kafin Aure – Mujallar Matashiya
-
Mata adon gari5 years agoSinadarin gyaran gashi – Adon Gari